SON XƏBƏRLƏR

Ərdəbildə türk dilində kitab paylama kampaniyası davam edir – GÖRÜNTÜ

2021.10.20, 07:36
Ərdəbildə türk dilində kitab paylama kampaniyası davam edir – GÖRÜNTÜ

Gunaz.tv

GünAz TV: Güney Azərbaycan şəhərlərində təhsil müəssisələrinin açılış günü ərəfəsində başlayan mədəni tədbirlər davam etməkdədir.

 

Ərdəbildə sentyabrın 23-də “Hər azərbaycanlı şagird üçün türk dilində bir kitab” şüarı ilə başlayan kampaniya dərs ilinin ikinci həftəsində də davam etdirilib, çərşənbə günü bir çox azərbaycanlı məktəbliyə türk dilində kitablar hədiyyə olunub.

 

Kitab paylayan fəallar eyni zamanda İranda türk dilinin rəsmi dil olması və ana dilində təhsilin əhəmiyyəti ilə bağlı söhbət edir, bu barədə şagirdlər, valdeynlər və müəllimlərin fikir və təkliflərini öyrənirlər. Məqsəd ana dilində təhsillə bağlı tam olaraq ortaq məxrəcə gəlmək və eyni mövqedən çıxış etməkdir.

 

Fəalların kitab paylama kampaniyası şagirdlər və onların valdeynləri tərəfindən böyük rəğbətlə qarşılanıb.

 

Güney Azərbaycanda yeni dərs ili, Beynəlxalq Ana Dili Günü və Novruz bayramı günlərində bir çox mədəni tədbir, o cümlədən kitab paylama kampaniyası həyata keçirilir. Bu il isə təhsil müəssisələrinin açılışı günü “Hər azərbaycanlı şagird üçün türk dilində bir kitab” və “Hər Traxtur komandası tərəfdarı üçün bir kitab” şüarı ilə başlayan kitab paylama kampaniyası daha geniş şəkildə həyata keçirilib.

 

İranda türk dilinin rəsmi olması və ana dilində təhsil məsələsi uzun illərdir öz həllini tapmır, bu məsələ ilə bağlı yüzlərlə azərbaycanlı fəal saxlanılıb, işgəncə edilib və uzun illər həbs cəzası ilə üzləşib.

 

 

 

 

N.S

SEÇİLMİŞ XƏBƏRLƏR

Çox oxunanlar