Erməni əsirliyində iyirmi bir azərbaycanlı uşaq var – SİYAHI

2008-05-30 19:13

Erməni əsirliyində iyirmi bir azərbaycanlı uşaq var – SİYAHI Bu rəqəmin şahid ifadələri əsasında müəyyənləşdirildiyini deyən “Həsrət Yolu” Əsir və Girovlara Kömək İctimai Birliyinin sədri Esmira Orucova APA-ya bildirib ki, girovluqda olan uşaqlar ermənilə

Gunaz.tv Quote | Gunaz article

Erməni əsirliyində iyirmi bir azərbaycanlı uşaq var – SİYAHI Bu rəqəmin şahid ifadələri əsasında müəyyənləşdirildiyini deyən “Həsrət Yolu” Əsir və Girovlara Kömək İctimai Birliyinin sədri Esmira Orucova APA-ya bildirib ki, girovluqda olan uşaqlar ermənilər tərəfindən müxtəlif cür ağır işgəncələrə məruz qalırlar: “Onların bəzilərinin bədənlərinin orqanları çıxarılaraq xarici ölkələrə satılıb. Məsələn, 3 yaşlı Şövqi Xaqani oğlu Əliyev girovluqda olarkən onun bazu sümüyü Xankəndində erməni həkimləri tərəfindən çıxarılıb, nəticədə Şövqi ömürlük şikəst qalıb. Kəlbəcər rayonunun işğalı zamanı girov götürülən Gülcamal Quliyevanın yeni dünyaya gələn oğlu Arzu Hacıyevə isə erməni həkimi Aida Serobyan tərəfindən naməlum tərkibli iynələr vurulub. Bundan sonra Arzu Hacıyev ömürlük şikəst qalıb. 15 yaşlı Nəzakət Məmmədovanın gözləri qarşısında isə atasına işgəncə veriblər, onun qulaqları kəsilib, anası hədə və şantajlara dözməyərək dəli olub, qızın özünü isə 4 milyon rus rubluna ailəsinə satıblar. E. Orucova bu kimi faktların yüzlərlə olduğunu da söyləyib. “Azərbaycanda müharibədən zərər çəkən minlərlə uşaq var. Bunlar həm qaçqın və məcburi köçkün ailələrinin uşaqları, həm də girovluqda olan uşaqlardır. Onlar ağır psixoloji sarsıntı keçiriblər”. Təşkilat sədri beynəlxalq təşkilatları və dünyanın böyük dövlətlərini bu faktlara diqqət yetirməyə çağırıb. “1 İyun - Uşaqları Beynəlxalq Müdafiə Günüdür. İstərdik ki, özünü humanist və insan haqlarını qoruyan təşkilatlar kimi təqdim edən beynəlxalq qurumlar erməni girovluğunda olan azərbaycanlı uşaqları azad etmək üçün iradə nümayiş etdirsin”. Ermənistanda, Azərbaycanın işğal altında olan Qarabağ və digər bölgələrində girovluqda saxlanılan azərbaycanlı uşaqların siyahısı (adları qeyd olunan uşaqların girovluqda olması şahid ifadələri ilə təsdiq olunub): 1. Alışova Vəsilə Cəfər qızı - 1976-cı ildə Laçında anadan olub. 31 mart 1993-cü ildə girov götürülüb 2. Allahverdiyev Mahir Novruz oğlu - 1975-ci ildə Xocalıda anadan olub. 26 fevral 1992-ci ildə Xocalıda girov götürülüb 3. Bəndəliyev Xəyal Elbrus oğlu - 1986-cı ildə Kəlbəcərdə anadan olub. 31 mart 1993-cü ildə girov götürülüb 4. Cəfərov Nüsrət (Anar) Fazil oğlu - 1975-ci ildə Xocalıda anadan olub. 26 fevral 1992-ci ildə Xocalıda girov götürülüb 5. Cəfərov Samir Tacir oğlu - 1988-ci ildə Xocalıda anadan olub. 26 fevral 1992-ci ildə Xocalıda girov götürülüb 6. Əliyev Səbuhi Cahangir oğlu - 1981-ci ildə Xocalıda anadan olub. 26 fevral 1992-ci ildə Xocalıda girov götürülüb 7. Əliyev Səlim Cahangir oğlu - 1987-ci ildə Xocalıda anadan olub. 26 fevral 1992-ci ildə Xocalıda girov götürülüb 8. Əliyev Tural Nadir oğlu - 1982-ci ildə Laçında anadan olub. 31 mart 1993-cü ildə girov götürülüb 9. Hüseynov Məhsəl Elxan oğlu - 1992-ci ildə Xocalıda anadan olub (3 aylıq olub). 26 fevral 1992-ci ildə Xocalıda girov götürülüb 10. Hüseynov Rəcəf Elxan oğlu - 1987-ci ildə Xocalıda anadan olub. 26 fevral 1992-ci ildə Xocalıda girov götürülüb 11. Hüseynova Səbinə Elxan qızı - 1988-ci ildə Xocalıda anadan olub. 26 fevral 1992-ci ildə Xocalıda girov götürülüb 12. Hüseynova Nəsibə Hüseyn qızı - 1982-ci ildə Xocalıda anadan olub. 26 fevral 1992-ci ildə Xocalıda girov götürülüb 13. Məcnunova Gülafə İzzət qızı - 1978-ci ildə Qubadlıda anadan olub. 1993-cü ildə Qubadlıda girov götürülüb 14. Məcnunova Səkinə İzzət qızı - 1982-ci ildə Qubadlıda anadan olub. 1993-cü ildə Qubadlıda girov götürülüb 15. Məmmədov Möhlət Məmməd oğlu - 1976-cı ildə Ermənistan Respublikasının Göyçə mahalında anadan olub. 26 fevral 1992-ci ildə Xocalıda girov götürülüb 16. Quliyev Yaşar Qara oğlu - 1981-ci ildə Kəlbəcərdə anadan olub. 31 mart 1993-cü ildə girov götürülüb 17. Quliyev Məzahir Qara oğlu - 1983-cü ildə Kəlbəcərdə anadan olub. 31 mart 1993-cü ildə girov götürülüb 18. Quliyeva Aygün Qara qızı - 1990-cı ildə Kəlbəcərdə anadan olub. 31 mart 1993-cü ildə girov götürülüb 19. Quliyeva Şahnaz Məhəmməd qızı - 1981-ci ildə Kəlbəcərdə anadan olub. 31 mart 1993-cü ildə girov götürülüb 20. Rəhimov Vaqif Sədri oğlu - 1980-ci ildə Saatlıda anadan olub. 1993-cü ildə Zəngilanda girov götürülüb 21. Zeynalov Fariz Davud oğlu - 1984-cü ildə Kəlbəcərdə anadan olub. 31 mart 1993-cü ildə girov götürülüb Qeyd edək ki, I Qarabağ müharibəsi zamanı 4471 nəfər itkin düşüb. Onların 3591 nəfəri hərbçi, 880 nəfəri mülki şəxsdir. Mülki şəxslərin 51 nəfəri uşaq (17 nəfər azyaşlı qız), 384 nəfəri yaşlılardır (175 nəfər qadın). Şahid ifadələrinə əsasən, itkin düşmüş 4471 nəfərin 753-ü əsir və girov götürülmüş hesab olunur. Onların 575 nəfəri əsir (hərbçi), 178 nəfəri isə girovdur (mülki şəxs). Mülki şəxslərin 21 nəfəri uşaq, 46 nəfəri qadınlardır. 1391 nəfər əsir və girovluqdan azad edilib. Onların 1047 nəfəri kişi, 343 nəfəri qadın, 289 nəfəri qoca (112 yaşlı qadın), 168 nəfəri isə uşaqdır (65 azyaşlı qız). 451 nəfərin erməni əsir və girovluğunda amansızcasına qətlə yetirildiyi müəyyən edilib. Onların 365 nəfəri kişi, 86 nəfəri qadındır. Qətlə yetirilənlərin 124 nəfərinin yalnız adı məlum edilib, 67 nəfərin adı isə bu günə kimi naməlum qalıb.
Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Həmədanlı dağçı xanımlar Savalan zirvəsinə qış dırmanışı ediblər

2021-02-25

gun az article

Şərqi Azərbaycanın Əhər şəhərində dəm qazından 3 qardaş həyatını itirib

2021-02-25

gun az article

Şərqi Azərbaycan əyalətində işsizlərin 46%-i Universitet məzunlarıdır

2021-02-25

gun az article

Qərbi Azərbaycanla İraq sərhəddində iki silahlı şəxs öldürülüb

2021-02-25

gun az article

Ərdəbilli məktəblilər sinif azlığı və internetin olmamasından əziyyət çəkirlər

2021-02-25

gun az article

Şərqi Azərbaycan əyalətində koronavirusun Britaniya variantının ikinci faktı qeydə alınıb

2021-02-25

gun az article

Milli-mədəni fəal girov qarşılığında sərbəst buraxılıb

2021-02-25

gun az article

Mollalar martın 1-də Qum şəhərində “Beynəlxalq Qarabağ konfransı” keçirəcəklər

2021-02-25

gun az article

GünazTV Feb.24.2021-Görüş: İran-Amerika münasibətləri, Rza Pəhləvinin kudetasının 100 illiyi

2021-02-25

gun az article

GünazTV Feb.24.2021: Paylaşım programı, 38-ci Bölüm.

2021-02-24

gun az article

Qərbi Azərbaycanda 2 nəfər mutasiyaya uğramış yeni növ "İngilis" koronovirusuna yoluxub

2021-02-24

gun az article

Qərbi Azərbaycan əyalətində 700 min nəfər gecəqondu və qeyri-standard şəhər ətrafı məhəllələrdə yaşayır

2021-02-24

gun az article

Zəngan əyalətinin Qeydar şəhərində Şəhər Şurasının üzvləri həbs olunub

2021-02-24

gun az article

İranda bəhayilərə qarşı təzyiqlər davam edir

2021-02-24

gun az article

Ərdəbildə “Azərbaycan türkcəsinin izahlı lüğəti”nin I cildinin təqdimatı olub

2021-02-24

gun az article

GünazTV Feb.23.2021-Özümüz: Şu'ubiyyə

2021-02-24

gun az article

GünazTV Feb.23.2021 -GÜNDƏM MASASI: Tək dilli toplum yaratma teorisinin başarısızlığı

2021-02-24

gun az article

Təbrizdə yaşayış binasında partlayış baş verib

2021-02-23

gun az article

Təbriz "Dünyanın Xalça Şəhəri" statusunu itirə bilər

2021-02-23

gun az article

Güneyli sənətçi: “Dünyanın çox yerində türkcə bildiyim üçün işimi aşırıram”+video

2021-02-23