GENERAL ƏHMƏDİ MÜQƏDDƏM İRANDA CİNSİ TƏCAVÜZLƏ BAĞLI ŞİKAYƏTLƏRİN ARTDIĞINI DEYİB

Aa Aa

GENERAL ƏHMƏDİ MÜQƏDDƏM İRANDA CİNSİ TƏCAVÜZLƏ BAĞLI ŞİKAYƏTLƏRİN ARTDIĞINI DEYİB İsmayıl Əhmədi Müqəddəm İran hüquq-mühafizə qüvvələrinin komandanı general İsmayıl Əhmədi Müqəddəm iyunun 12-də keçirdiyi mətbuat konfransında son vaxtlar ölkədə xanımlara

Gunaz.tv

GENERAL ƏHMƏDİ MÜQƏDDƏM İRANDA CİNSİ TƏCAVÜZLƏ BAĞLI ŞİKAYƏTLƏRİN ARTDIĞINI DEYİB İsmayıl Əhmədi Müqəddəm İran hüquq-mühafizə qüvvələrinin komandanı general İsmayıl Əhmədi Müqəddəm iyunun 12-də keçirdiyi mətbuat konfransında son vaxtlar ölkədə xanımlara qarşı cinsi təcavüz hallarının artdığını deyib. «Media forum» saytının məlumatına görə, general cinsi təcavüzə məruz qalmış qadınların əvvəlki illərlə müqayisədə indi polisə müraciət etməkdən daha az çəkindiklərini də vurğulayıb: «Əvvəllər cinsi təcavüzə məruz qalmış qadınlar cəmiyyətdə pis adla tanınacaqlarından qorxub susur, nadir hallarda polisə müraciət edirdilər. Lakin son vaxtlar bunun tam əksi müşahidə olunur. Polis idarələrində cinsi təcavüzlə bağlı qeydiyyata alınan şikayətlərin sayı artmaqdadır». Əhmədi Müqəddəm cinsi təcavüz halları ilə bağlı rəsmi statistik rəqəmin açıqlanmasını məqsədəuyğun saymayıb. Onun fikrincə, statistikanın açıqlanması ictimai fikrin çaşqınlığına səbəb ola bilər. İran hüquq-mühafizə qüvvələrinin komandanı cinsi təcavüzdə günahlandırılaraq tutulanlara verilən cəza növlərinə də aydınlıq gətirib: «Belə şəxslər üçün nəzərdə tutulan hökm heç də həmişə edam deyil. Onlar şallaq zərbələrinə, zindana və nağd pul cəriməsinə məhkum edilə də bilərlər. Çünki bir çox halda məhkəmədə cinsi təcavüzlə bağlı ittihamları sübuta yetirmək çox çətin olur». «Media forum»