Gilanda yaşayan azərbaycanlılardan anti-türk qüvvələrə tutarlı cavab: Biz Azərbaycan eşqi ilə nəfəs alırıq...

SON XƏBƏRLƏR

Gilanda yaşayan azərbaycanlılardan anti-türk qüvvələrə tutarlı cavab: Biz Azərbaycan eşqi ilə nəfəs alırıq... – GÖRÜNTÜ

2021.10.20, 07:36

Gunaz.tv

GünAz TV: İran rejiminin Azərbaycan türklərini hədəfə aldığı asimilasyon siyasəti heç də türklərin ana vətəninə olan eşqini azalda bilməyib. Bu məsələ inzibati ərazi bölgüsü adı ilə qonşu əyalətlərə ilhaq edilən azərbaycanlıların şəhər və kəndlərində də belədir.

Cümə günü Rəştin “Sərdar cəngəl” stadionunda bu şəhərin “Sepid rud” və Təbrizin “Traxtur” futbol komandası arasında keçirilən görüşdə Gilan Əyalətinin türk bölgəsindən olan soydaşlarımız bir neçə yazılı parça nümayiş etdirərək İranda anti-türk qüvvələrə ciddi mesaj ünvanlayıblar.

Soydaşlarımız Azərbaycan və türk millətinə mənsub olduqlarını, bundan heç vaxt vaz keçməyəcəklərini “Biz Gilan türkləri “Traxtur” komandası eşqi ilə yaşayır və Azərbaycan eşqi ilə nəfəs çəkirik” şüarı ilə diqqətə çatdırıblar.

Onlar “Heyran gədiyi”ni Ərdəbil Əyalətindən qopararaq Gilan Əyalətinə ilhaq etməyə çalışan hökumətə də reaksiya verib “Heyran və Ənzəli Azərbaycanın ayrılmaz hissəsidir, Heyran Azərbaycanın naxışıdır” şüarı yazılmış parça nümayiş etdirib.

Bu zəmində nümayiş etdirilən parçalardan biri də ərdəbilli “Traxtur” tərəfdarlarına aid olub. Onların əllərində tutduğu parçada “Heyran, Astara, Ənzəli də, Qorvə, Bicar, Sunqur və s kimi Azərbaycanın əzəli və əbədi torpaqlarıdır” sözləri yazılıb.

Xatırladaq ki, “Traxtur”-“Sepid rud”un görüşünü izləmək üçün Rəşt şəhərinə gedən azərbaycanlı “Traxtur” tərəfdarları “Sərdar cəngəl” stadionun girişində çoxlu milli şüarlar səsləndiriblər.

N.S