Güney Azərbaycanda koronavirus MƏNZƏRƏSİ: 6 vilayətdə yoluxma artdı, 1 kənd karantinə alındı

2021-03-22 14:44

Güney Azərbaycan əyalətlərində koronavirusa yoluxma hallarında artım davam edir. Qəzvin, Həmədan, Ərdəbil, Zəngan, Qərbi və Şərqi Azərbaycan əyalətlərində virusa yoluxma halları çoxalıb.

Gunaz.tv Quote | Gunaz article

Xiyavda (Meşgin) daha bir nəfərin koronavirusun Britaniya ştammına yoluxub. Bununla da Ərdəbil əyalətində mutasiyaya uğramış virusa yoluxanların sayı 12 nəfərə yüksəlib.

Ərdəbil Tibb Elmləri Universitetinin rektoru Şəhram Həbibzadənin verdiyi məlumata görə, hazırda Ərdəbildə 148 nəfər COVİD-19 xəstəliyi səbəbindən xəstəxanalarda müalicə olunur. Onlardan 51 nəfəri vəziyyətlərinin ağır olduğuna görə reanimasiya şöbələrində yerləşdirilib. Ötən gün ərzində isə daha 25 xəstə COVİD-19 diaqnozu ilə xəstəxanalara qəbul edilib.

Ş.Həbibzadə martın 21-i axşam saatlarına kimi Ərdəbil əyalətində koronavirusdan ölənlərin ümumi sayının 1434 nəfər olduğunu deyib.

Urmu Tibb Elmləri Universitetinin rektoru Cavad Ağazadə bu gün, martın 22-i mətbuata verdiyi müsahibədə ötən 24 saat ərzində əyalətdə 78 nəfərin COVİD-19 virusuna yoluxma diaqnozu ilə xəstəxanalara yerləşdirildiyini bildirib. O, bununla da əyalət xəstəxanalarında hazırda koronavirus xəstəliyinə görə müalicə alanların ümumi sayının 474 nəfərə yüksəldiyini vurğulayıb.

Rektorun bildirdiyinə görə xəstələrdən 147 nəfər reanimasiya şöbələrinə yerləşdirilib, 33 nəfər isə durumlarının daha ağır olduğuna görə süni tənəffüs aparatına qoşulub. 

Ağazadə ötən gecə bir xəstənin vəfat etdiyini və bununla da pandemiyanın başladığından bu günə kimi əyalətdə koronavirus qurbanlarının sayının 3722 nəfərə çatdığını açıqlayıb. 

Qeyd edək ki, Qərbi Azərbaycan əyalətində bu günə kimi koronavirusa yoluxanların ümumi sayı 119 min 383 nəfərdir.

Zəngan (Zəncan) Tibb Elmləri Universitetinin rektoru Pərviz Qızılbaş bir neçə gündür gündəlik ortalama 25 xəstənin xəstəxanalara yerləşdirildiyini və müalicə altında olan yoluxanların sayının 130-140 arası dəyişdiyini deyib. O, pandemiya başlayandan martın 21-ə kimi əyalətdə 49 min 981 nəfərin COVİD-19-a yoluxduğunu açıqlayıb.

Qeyd edək ki, bu gün Zəngan əyalətinin Tarım bölgəsinin Zəhtərabad kəndi karantinə alınıb. 

Buna səbəb kənd sakinlərindən ikisində koronavirusun Britaniya ştammının aşkarlanması olub.

Qəzvin Tibb Elmləri Universitetinin müalicə bölməsinin rəhbəri Əliəkbər Kərəmi son sutkada virusa yoluxan 43 yeni xəstənin xəstəxanaya yerləşdirildiyini bildirib.  Əyalət xəstəxanalarında müalicə olunan COVİD-19 xəstələrinin sayının 201-ə çatdığını, onlardan 20 nəfərinin süni tənəffüs aparatına qoşulduğunu qeyd edib.

Bu günə kimi Qəzvin əyalətində 33 min 681 nəfər koronavirusa yoluxub. Onlardan 1342 nəfər dünyasını dəyişib.

Həmədan Tibb elmləri Universitetinin rektoru Məhəmməd Tahiri son 2 ölüm faktı ilə əyalətdə koronavirus qurbanlarının ümumi sayının 555 nəfərə çatdığını deyib.

Tahiri 24 saat ərzində 248 nəfərin koronavirus infeksiyası şübhəsi ilə yoxlanıldığını və onlardan 40 nəfərinin xəstəxanaya yerləşdirildiyini söyləyib. Onun sözlərinə görə, pandemiyanın başlamasından bu günə kimi Həmədan əyalətində xəstəxanalara yerləşdirilən COVİD-19 xəstələrinin sayı 10 min 648 nəfər olub. 

Tahiri reanimasiya şöbələrində yerləşdirilənlərdən 16 nəfərinin durumunun çox ağır olduğunu qeyd edib. Şərqi Azərbaycan Tibb Elmləri Universitetinin Səhiyyə üzrə vitse-prezidenti Abbasəli Dürüsti əyalətdə koronavirusa yoluxma hallarının artdığını, durumun təhlükəli olduğunu deyib. 
O, bu günkü yoluxma sayı ilə açıqlama verməyib. 

Dürüsti Əcəbşer və sarab şəhərlərində yoluxma hallarının çoxaldığını, hər iki şəhərdə durumun kritik olduğunu və vətəndaşların bu şəhərlərə səfərlərinin riskli olduğunu bildirib.
 

C.E

 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

İranda bu günə qədər "korona"dan 116 min 436 ölüb -RƏSMİ RƏQƏMLƏR

2021-09-17

gun az article

Ərdəbildə istehsalatda ölüm halları artıb: Son aylarda yüzlərlə işçi yaralanıb

2021-09-17

gun az article

Qarabağa gedən yük maşınlarına icazə kağızı verən ETTELAAT məmurudur

2021-09-17

gun az article

Qaşqay türklərinin tanınmış şairi vəfat edib

2021-09-17

gun az article

Zənganda içməli su qıtlığı: Kəndlər susuz qalıb

2021-09-17

gun az article

İranın şimal-qərbində terrorçu qrup zərərsizləşdirilib- Dövlət Sərhəd Xidməti

2021-09-17

gun az article

Həmədanın məşhur Ağ gölü quruyub

2021-09-17

gun az article

Zənganda tarixi əşya qaçaqmalçıları saxlanılıb

2021-09-17

gun az article

Zənganda 1000-dən çox layihənin icrası yarımçıq qalıb

2021-09-17

gun az article

Məlikanda çörək bahalaşdı

2021-09-17

gun az article

Şərqi Azərbaycanda savadlılıq səviyyəsi aşağı düşüb

2021-09-17

gun az article

Vərziğanda etiraz aksiyası: Kəndlilər yolu bağladı

2021-09-16

gun az article

Həmədanda tarixi abidə dağılmaq üzrədir

2021-09-16

gun az article

Qəzvin şəhərinin meri vəzifəsinə SEPAH komandiri gətirildi

2021-09-16

gun az article

Qərbi Azərbaycan əyalətində təhsil işçiləri çatışmır

2021-09-16

gun az article

“Dünyanın fosil cənnəti” layihəsinin tamamlanma işləri yarımçıq qalıb

2021-09-16

gun az article

Qəzvinli idmançı Belçikada keçiriləcək dünya çempionatına qatılacaq

2021-09-16

gun az article

Milli fəal barəsində məhkəmə qərarı çıxarılıb

2021-09-16

gun az article

"Milyonlarla insanın həyatı təhlükədədir"- Azərbaycanlı millət vəkili İran prezidentinə müraciət etdi

2021-09-16

gun az article

Ərdəbildə siyasi məhbus Ruzbeh Piriyə dəstək aksiyası keçirilib

2021-09-16