Dünən, 22 noyabr, bazar günü, Güney Azərbaycanda oktyabr etirazları(Qarabağa dəstək) zamanı tutulan milli-mədəni fəallar, cənab “Əhməd Məhəmmədpur”, “Əli Məali” və “Ramin Danəndə”nin məhkəmələrinin ilk iclası Ərdəbil inqilab və dövlət məhkəməsinin hakimi “Abdullah Qədimi”nin sədrliyi ilə keçirilib.
Gunaz.tv
Bundan əvvəl yuxarıda adı çəkilən fəallar müstəntiq “Babək Nonəhal”ın rəhbərlik etdiyi “Şəhid Beheşti” İnqilab Prokurorluğunun Ərdəbil şəhərindəki 10 saylı şöbəsində "milli təhlükəsizliyə qarşı yığıncaq və əlbir olmaq" ittihamı ilə həbs olunblar.
Ərdəbildə yaşayan üç azərbaycanlı milli-mədəni fəal Əhməd Məhəmmədpur, Əli Məali və Ramin Danəndə, Qarabağın azadlığı əməliyyatına dəstək və İran hökumətinin Ermənistana lojistik köməyinə etiraz olaraq keçirilən aksiyaya qatılmışdılar. Onlar 1 oktyabr 2020-cı il tarixində Ərdəbilin Şəriəti meydanında ağır döyüldükdən sonra polis tərəfindən həbs edilmişdilər.
Ərdəbil Mərkəzi Həbsxanasının karantin bölməsində saxlanılan Əhməd Məhəmmədpur 450 milyon tümən, Əli Məali və Ramin Danəndə isə hər biri 350 milyon tümən girov müqabilində məhkəməyə qədər müvəqqəti azadlığa buraxılmışdılar.
C.E
