Məşhəddə daha iki molla öldürüldü

SON XƏBƏRLƏR

Məşhəddə daha iki molla öldürüldü

2022.04.06, 08:30

Gunaz.tv

Məhəmməd Aslani və Möhsün Pakdamən adlı iki mollanın bıçaq zərbələri nəticəsində öldüyü, Məhəmmədsadıq Darayinin isə ağır vəziyyətdə xəstəxanaya çatdırıldığı bildirilir.

Məşhəd şəhərinin prokuroru Məhəmmədhüseyn Durudi hücum edənin və onunla əməkdaşlıq edən dörd başqa şəxsin saxlanıldıqlarını bildirib.

M.Durudi qətlin təfərrüatı və hücumçunun kimliyi barədə məlumat vermədən onun xarici ölkə vətəndaşı olduğunu deyib.

Bununla yanaşı İran İslam İnqilabı Keşikçiləri Korpusuna (SEPAH) bağlı media qurumları qətl hadisəni törədən şəxsin 14 yaşlı yeniyetmə olduğunu yazıb və onun "xarici qüvvələrə bağlı" olduğunu iddia ediblər.

Bundan öncə aprelin 2-də İranın Çay Buyinşəhr bölgəsində Gülməhəmməd axund Pejman və Əbdülrəhman axund Xoca adlı dini təhsil alan iki cavan molla güllələnərək qətlə yetiriliblər.

Qeyd edək ki, bir müddət bundan öncə dini təhsil alan 20 yaşlı Hüseyn İsmayılpur tanınmış din xadimlərindən olan Nüsrət Fəxri Ləngərudini öldürdüyü üçün Rəşt şəhərində dar ağacından asılaraq edam edildi.

İnsan haqları təşkilatının araşdırmaları nəticəsində aydın olub ki, gənc ruhani tanınmış din xadimi tərəfindən dəfələrlə cinsi təcavüzə məruz qalıb. Qətl hadisəsi də bu üzdən baş verib.

Bununla yanaşı oxşar ittihamlarla onlarla insan edam cəzasına məhkum olunmasına baxmayaraq, İran məhkəmə sistemi bu tipli qət hadisələrinə din xadimlərinin cinsi təcavüzlərinin səbəb olduğu barədə dəqiq açıqlama vermirlər.

Timur

حمله با چاقو به سه آخوند مفتخور در صحن حرم مشهد؛ دستکم یک طلبه کشته شد | ایران گلوبال