SON XƏBƏRLƏR

Məhəmməd Vasim: "Ağdam büsbütün viran qoyulub"

2022.02.16, 17:36
Məhəmməd Vasim: "Ağdam büsbütün viran qoyulub"

Gunaz.tv

Bunu 21 ölkədən Azərbaycanın azad olunmuş ərazilərinə səfər edən tanınmış səyahətçilər arasında olan əlcəzairli Məhəmməd Vasim Allahi bildirib.

“Doğrudan da bütün bunların bu dərəcədə olması dəhşətdir. Yolboyu ancaq viranələr gördük, bütün evlər dağıdılıb, - səyahətçi Azərbaycana ikinci dəfədir gəldiyini, amma azad olunmuş torpaqlara ilk dəfə qədəm basdığını dilə gətirib.

“Ümid edirəm ki, yenidən qurulan Ağdam əvvəlki kimi gözəl olacaq”.

Bunu isə 21 ölkədən olan məşhur səyahətçilərdən ibarət nümayəndə heyətinin tərkibində Azərbaycanın işğaldan azad edilmiş ərazilərinə səfər edən avstraliyalı səyyah Reyçel Li Deyvi deyib.

“Bütün bunları görmək dəhşətlidir, əminəm ki, bu, gözəl şəhər idi. Ümid edirəm ki, tezliklə onu yenidən bərpa edəcəklər və o, əvvəlki kimi gözəl olacaq”, - səyyah bildirib.

Reyçel Li Deyvinin sözlərinə görə, o, 2014-cü ildə Azərbaycana ilk səfəri zamanı Qarabağ münaqişəsi barədə məlumat alıb və indi ikinci dəfə ölkəmizə səfər etməkdən, eləcə də işğaldan azad edilmiş əraziləri görməkdən məmnundur.

 

Xatırladaq ki, Azərbaycanın azad olunmuş ərazisinə tanınmış əcnəbi səyyahların bu gün başlayan səfəri çərçivəsində tarixi və mədəni abidələrlə, habelə erməni işğalçılarının törətdiyi dağıntılarla tanışlıq nəzərdə tutulur. Qonaqlar bölgədə aparılan bərpa və yenidənqurma işləri ilə də tanış olacaqlar.

Nümayəndə heyəti artıq Şuşa və Ağdama səfər edib. (report.az)

Ayxan

Açar Sözlər :

SEÇİLMİŞ XƏBƏRLƏR

Çox oxunanlar