GünAz TV: Ərdəbil Əyalətində yerləşən “Heyran gədiyi” ərazisini Gilan Əyalətinin ərazisi kimi görtərməklə bağlı cəhdlər davam edir.
İranın 3-cü telekanalında “Qalib ol” adı ilə keçirilən bir yarışmada “Heyran gədiyi”nin Ərdəbil Əyalətinə aid olmadığını dolayı yolla göstərməyə çalışıblar. Belə ki, aparıcılar test sualı kimi yarış iştirakçılarından ““Heyran gədiyi” İranın hansı əyalətində yerləşir?” deyə soruşublar. 4 seçimli sualın cavabında Gilan, Şərqi Azərbaycan, Kirmanşah və Həmədan qeyd olunub. Cavabda Ərdəbil Əyaləti seçiminə yer verilməyib və bununla da duzgün cavab Gilan Əyalətindən ibarət olub.
Şübhəsiz ki, bu təhrif adı bir yanlışlıq deyil, “Heyran gədiyi” məqsədyönlü şəkildə Gilan Əyalətinin ərazisi kimi göstərilib.
İran Teleradio Şirkəti ötən aylarda yayımladığı bir sənədli filmdə də Ərdəbilin “Heyran gədiyi”ni “Gilanın heyranı” adı ilə təqdim etmişdir.
Teleradio Şirkətinin Azərbaycana qarşı mövqeyi azərbaycanlı internet istifadəçilərinin etirazı ilə qarşılanmışdır. Lakin təəssüflər olsun ki, Ərdəbil və Astaranın millət vəkilləri bu təhrifə qarşı səssiz qaldılar.
Gilan Əyalətinin “Baran” telekanalı da oxşar təhrifə yol verərək “Heyran gədiyi”nin Gilan Əyalətinə aid olduğunu nümayiş etdirmişdir.
Müxtəlif rəsmi orqanların “Heyran gədiyi”ni Gilan Əyalətinin ərazisini kimi göstərməsi rejimin gizli göstərişi ilə baş verir. Bütün azərbaycanlılar, xüsusi ilə də Ərdəbil əhalisi sistemli şəkildə həyata keçirilən plana qarşı dəfələrlə öz etirazlarını bildiriblər.
N.S
