Səid Xətibzadə: “Amerikanın İrana qarşı sanksiya siyasəti heç bir nəticə verməyəcək”

SON XƏBƏRLƏR

Səid Xətibzadə: “Amerikanın İrana qarşı sanksiya siyasəti heç bir nəticə verməyəcək”

2021.10.30, 09:25

Gunaz.tv

ABŞ Maliyyə Nazirliyinin SEPAH-ın plotsuz uçan hərbi təyyarələr proqramı ilə əməkdaşlıq edən 6 fiziki və hüquqi şəxsə sanksiya qoymasını pisləyən Xətibzadə deyib ki, Amerikanın islam respublikasına qarşı yürütdüyü sanksiya siyasəti heç bir nəticə vermədən uğursuzluğa gətirib çıxaracaq.

“Yeni saxnksiyaların tətbiqi, Ağ Evin tam ziddiyyətli rəftarının göstəricisidir. Nüvə razılaşmasına qayıtmaqdan danışıdığı halda Amerikanın keçmiş prezidenti Donald Trampın sanksiyalarla bağlı ölkəmizə qarşı yürütdüyü eyni siyasətini davam etdirən Co Bayden hökumətinin bununla bizə mesajı odur ki, ona həqiqətən də etimad etmək olmaz.

Amerikanın müxtəlif hökumətləri İran İslam Respublikasının reallıqlarını dərk etməkdən nə qədər aciz olduqlarını nümayiş etdiriblər. Amerikanın indiki hökumətinin bu kimi hərəkətləri Tramp hökumətinin ölkəmizə qarşı yürütdüyü uğursuz maksimum təzyiq siyasətinin davamıdır.

Hesab edirik ki, bu siyasət indiyədək ABŞ-ın heç bir hədəfini gerçəkləşdirmədiyi kimi, bundan sonra da məğlubiyyətə uğrayaraq, ona heç bir uğur gətirməyəcək”, -deyə İran Xarici İşlər Nazirliyinin sözçüsü Səid Xətibzadə bildirib.

Xatırladaq ki, ABŞ Maliyyə Nazirliyi oktyabrın 29-da bəyanat yayaraq, İranın regionda pilotsuz uçan hərbi təyyarələrinin beynəlxalq ticarət gəmilərinə və Amerika qüvvələrinə hücumları ilə əlaqədar 4 İran vətəndaşına və 2 şirkətə sanksiya qoyduğundan xəbər verib.

A.M