Bununla bağlı sosial media fəalları məlumat yayıb. Sosial şəbəkələrdə yayılan foto və video materiallardan aydın olur ki, şagirdlər onlayn dərslərə qatılmaq üçün ətraf yüksəkliklərə çıxmaq məcburiyyətində qalırlar.
Xüsusilə iki il bundan öncə bölgədə mobil telefon siqnallarının keyfiyyəti ilə bağlı ötürücü qurğularda kommunikasiya şrkətinin etdiyi dəyişikliklərdən sonra Tikantəpənin bir çox bölgələrində internet xidmətindən istifadə daha da çətinləşib.
Fəallar yerli əhalinin iki il müddətində əlaqədar qurumlara etdikləri yazılı müraciətlərin heç birinin nəticə vermədiyini deyirlər.
Sosial media fəalları İran və Orta Doğunun ən böyük qızıl mədənlərinin olduğu Tikantəpədə adi internet xidmətinin olmamasını bölgə əhalisinə olan hörmətsizlik və ədalətsizlik kimi dəyərləndirirlər.
Bundan öncə 2021-ci ilin noyabr ayında da tikantəpəli sosial media fəalları fotolar paylaşaraq “Babanəzər” kəndində onlayn təhsil problemindən yazmış, aidiyyatlı qurumları tədbir görməyə çağırmışdılar.
Məsələnin üstündən iki ay keçməsinə baxmayaraq problemin həlli ilə bağlı heç bir tədbir görülməyib və öyrəncilər eyni çətin şərayitdə onlayn dərslərə qatılmaq məcburyyətində qalıblar.
Qeyd edək ki, Zərşuran və Ağdərə qızıl mədənləri Qərbi AzərbaycanınTikantəpə bölgəsində yerləşir.
Tikantəpə Yaxın Şərqdə Zərəşoran və Ağdərə kimi iki ən böyük qızıl mədəni, həmçinin 80 daş mədəninə sahibdir.
Lakin İran rejiminin ayrı-seçkilik siyasətləri nəticəsində bura ölkə üzrə ən ağır iqtisadi durumda olan bölgələrdən biridir. Tikantəpəni əyalət mərkəzi ilə birləşdirən münasib yol belə mövcud deyil.
Zərəşoran mədəninin səhmdarları və sahibləri ölkənin mərkəzində yerləşən, farsların üstünlük təşkil etdiyi əyalətlərdəndir.
Onlar mədəndən hasil edilən xam məhsulu ölkənin mərkəzinə göndərirlər, beləliklə, ondan əldə edilən gəlirlərdən İsfahan, Kirman, Yəzd və Tehran kimi əyalətlər faydalanır.
C.E
