"Problemlərin həll olunmayacağı təqdirdə Rəisinin Qərbi Azərbaycana səfəri mənasızdır"- Millət vəkili

SON XƏBƏRLƏR

"Problemlərin həll olunmayacağı təqdirdə Rəisinin Qərbi Azərbaycana səfəri mənasızdır"- Millət vəkili

2022.05.19, 09:13

Gunaz.tv

“Qərbi Azərbaycan inkişaf göstəricilərinə görə ən geri qalmış əyalətlərdən biri sayılır. Prezidentin səfərindən məqsəd öncəki hökumətdən qalan layihələrin tamamlanması olmalıdır. Problemlərin aradan qaldırılması üçün iş görülməyəcəyi təqdirdə heç bir əhəmiyyət daşımayacaq”-deyə, millət vəkili bildirib.

O, əyalətin təhsil, işsizlik, səhiyyə və başqa bu kimi göstəricilərə görə ən geri qalmış bölgələrdən biri olduğunu qeyd edib və bu problemlərin həlli üçün əməli addımların atılmasının zəruriliyini söyləyib.

Urmu gölünün bərpası, azad iqtisadi bölgə, Tikantəpə qızıl mədəni, snayenin inkişafı. Sərmayə cəlbi kimi problemlərin olduğunu bildirən Ruhullah Həzrətpur bunların vədlərlə həll olunmayacağını deyib.

Qeyd edək ki, prezident seçkiləri öncəsi İbrahim Rəisi Qərbi Azərbaycana səfəri zamanı qısa müddətdə Urmu gölünün bərpası layihəsinə başlanılacağını vəd etmişdi.

Keçən müddət ərzində gölün bərpası bir yana, onun suyu və sahəsi dahada azalaraq bölgədə daha ciddi ekoloji problemlərin yaranmasına səbəb olub.

İbrahim Rəisinin mayın 20-də Qərbi Azərbaycan əyalətinə səfəri planlaşdırılıb.

Timur