SON XƏBƏRLƏR

İmam Rza məqbərəsinin zərihini yalayan şəxs həbs edilib

2021.10.20, 07:36
İmam Rza məqbərəsinin zərihini yalayan şəxs həbs edilib

Gunaz.tv

GünAz TV: İranın Məhkəmə Sistemi Məşhəd şəhərində yerləşən imam Rza məqbərəsinin zərihini yalayan şəxsin həbs edilməsi ilə bağlı məlumat yayıb.

 

Hadisəni "anormal hal" kimi xarakteristika edən Məhkəmə Sistemi məsələ ətrafında araşdırmaların başladığını bildirib.

 

Adı çəkilməyən həmin şəxsin şənbə günü sosial şəbəkələrdə yayılan videosunda onun məqbərənin zərihini yaladığı görünürdü. O, bu hərəkəti edə-edə müxtəlif dövlət qurumlarının koronavirus səbəbindən dini ziyarətgahların bağlanmasını tənqid edərək, imam Rza məqbərəsinin zəhirini yaladığına görə bu virusa yoluxmayacağını bəyan edir.

 

Son günlər ərzində bu şəxsdən başqa, bir neçə nəfərin də sözügedən dini məkanın zərih və qapısını yalaması ilə bağlı sosial şəbəkələrdə videolar yayılıb. Həmin şəxslər bunu etməklə, koronavirusa yoluxmaq ehtimallarının aradan qaldırdıqlarını deyirlər. Azyaşlı bir uşağın ziyarətgahın zərihini öpməsini əks etdirən görüntülər isə insanların kəskin reaksiyasına səbəb olub.

 

Bu addımı atanlar həmçinin iddia edirlər ki, "dini mərkəzlərin koronavirusun yayılması səbəbindən bağlanmasını istəyənlər xəstəliyi bəhanə edirlər, onların əsas məqsədi şiə məzhəbinə zərbə vurmaq və onu tamamən məhv etməkdir".

 

Digər tərəfdən, "İrna" xəbər agentliyi Qumda yaşayan Məkarim Şirazinin məsələ ilə əlaqəli hər kəsin gigiyenik qaydalara əməl etməli olduğunu dediyi barədə məlumat yayıb.

 

Ə.A

SEÇİLMİŞ XƏBƏRLƏR

Çox oxunanlar