GünAz TV: İranın Xürrəmabad bölgəsində yerləşən Parsillon həbsxanasından azı 23 məhkum qaçıb.
Lorestan icra hakiminin siyasi, təhlükəsizlik və ictimai işlər üzrə müavini Mahmud Səmini bildirib ki, məhbuslar həbsxana nəzarətçisinin səhlənkarlığından istifadə edərək qaçıblar.
Onun sözlərinə görə, qaçanları dayandırmaq üçün həbsxana gözətçilərinin açdıqları atəş nəticəsində 1 məhbus ölüb, 1-i isə yaralanıb. Qaçan 1 məhkum isə saxlanılıb.
Lorestan əyalətinin Həbsxanalar İdarəsinin yaydığı bəyanatda isə məhkumların nisbətən yüngül cinayət törətmiş cinayətkarlar üçün nəzərdə tutulmuş Xürrəmabadın təlim və peşə terapiyası düşərgəsindən qaçdığını bildirib. Bəyanata əsasən, 300 məhkumun cəza çəkdiyi düşərgədə qaçış onların sayılması zamanı baş verib.
Hələ ki, qaçmağa müvəffəq olan məhbuslar tutulmayıblar.
Ə.A
