İran Səhiyyə Sisteminin rəhbərindən Ruhaniyə: "Koronavirusdan ölənlərin sayını xalqa düzgün deyin"

SON XƏBƏRLƏR

İran Səhiyyə Sisteminin rəhbərindən Ruhaniyə: "Koronavirusdan ölənlərin sayını xalqa düzgün deyin"

2021.10.20, 07:36

Gunaz.tv

GünAz TV: İran Səhiyyə Sisteminin rəhbəri Mustafa Moin prezident Həsən Ruhaniyə göndərdiyi məktubda ondan koronavirusa yoluxmuş və bu xəstəlikdən ölmüş şəxslərin sayını xalqa şəffaf və doğru açıqlamağı istəyib.

O, prezidentdə bildirib ki, reallığa uyğun qərarlar qəbul etmək üçün statistika dəqiq, eləcə də şəhərlər və əyalətlər üzrə yayılmalıdır.

Mustafa Moin qeyd edib ki, gündəlik 3 mindən çox insanın koronavirusa yoluxması dövlətin Novruz tətillərindən insanları evdə oturmağa sövq etməklı, pandemiyanın qarşısını ala bilmədiyini nümayiş etdirir.

Rəsmi pandemiyanın qarşısının tam alınması üçün dövlət idarələri, təhsil müəssisələri və digər mərkəzlərin tətil müddətinin uzadılmasının zəruri olduğunu vurğulayıb.

"Koronavirusla mübarizə çərçivəsində tibb işçilərinin həyat və sağlamlığının qorunması üçün lazım olan səviyyədə tədbirlərin görülməməsi İranda onlar arasında koronavirusa yoluxma və ölüm hallarının digər ölkələrlə müqayisədə çoxluq təşkil etməsinə səbəb olub", - deyə Mustafa Moin məktubda qeyd edib.

O, sonda Həsən Ruhaniyə vəziyyəti normal qələmə verməklə, yalandan insanların özlərini təhlükəsiz hiss etməsinə şərait yaratmaqdan, bununla da ölkədə vəziyyəti geriyə qayıdışı olmayan hala çevirməkdən
çəkinməyi tövsiyə edib.

Ə.A