İranda “Ayətullah Edam” ləqəbi ilə tanınan axund İbrahim Rəisi prezidentliyə namizədliyini irəli sürüb

2021-05-15 12:50

İran Məhkəmə Sisteminin rəisi, vaxtilə ölkə həbsxanalarında saxlanılan siyasi məhbusların gizli və kütləvi şəkildə edamına hökm verən məşhur “Ölüm heyəti”nin başçısı və ölkə əhalisi arasında “Ayətullah Edam” ləqəbi ilə tanınan axund İbrahim rəisi prezidentliyə namizədliyini irəli sürüb.

Gunaz.tv Quote | Gunaz article


Rəisi bu gün bəyanat yayaraq, prezidentliyə namizədliyini irəli sürdüyünü bildirdikdən sonra Daxili İşlər Nazirliyinin binasına gələrək namizədliyinin qeydə alınması üçün tələn olunan sənədləri təqdim edib.


Rəisi, İranın “dini lider”i Əli Xamneyinin və hakimiyyətdəki radikal mühafizəkar cərəyanların prezidentliyə əsas namizədi kimi tanınmasına baxmayaraq, jurnalistlərə açıqlamasında deyib ki, o heç kəsin və ya siyasi cərəyanın seçimi deyil və prezident seçkilərinə “müstəqil namizəd” kimi qatılacaq.


“Mən, bütün namizədlərə və siyasi cərəyanlara hörmətlə yanaşaraq, müstəqil namizəd kimi səhnəyə gəlmişəm, hədəfim isə prezident seçiləcəyim təqdirdə ölkənin idarəetmə sistemində dəyişiklik yaratmaq, yoxsulluğa, ayrı-seçkiliyə, təhqirə və korrupsiyaya qarşı mübarizə aparmaqdır”, -deyə axund İbrahim Rəisi bildirib. 


Xatırladaq ki, İran İslam Respublikasının banisi Ruhullah Xomeyninin ilk canişini, ayətullah Hüseynəli Müntəzirinin oğlu, Əhməd Müntəziri, 2016-cı il, avqustun 12-də atasının 1988-ci ildə ölkə zindanlarında həbsini çəkən minlərlə günahsız siyasi məhbusun gizli və kütləvi şəkildə kütləvi qətliamına etiraz bildirən səs yazısını yayıb. 


Yayılan 40 dəqiqəlik səs yazısında Hüseynəli Müntəziri “Ölüm heyəti”nin başçısı İbrahim Rəisi və onun digər gənc üzvləri ilə üz-üzə söhbətdə onlara törətdikləri səssiz cinayətə görə kəskin etirazını bildirib. O, deyib: “İran İslam Respublikasında baş vermiş ən böyük cinayət, sizin əllərinizlə həyata keçirilmiş bu edamlardır. Bilin ki, bu edamlara görə tarix bizi məhkum edəcək və gələcəkdə tarix sizi cinayətkar kimi xatırlayacaq”.

 
Qeyd edək ki, 1988-ci ildə İran-İraq arasındakı 8 illik savaşa son qoyulması məqsədilə BMT-nin 598 saylı qətnaməsini qəbul etmək məcburiyyətində qalan və savaşdan məğlub kimi çıxan rəsmi Tehran, ölkə zindanlarında saxlanılan siyasi məhbuslara qarşı ağlasığılmaz cinayət planını həyata keçirib. 


Belə ki, o vaxtkı “dini lider” ayətullah Ruhullah Xomeyninin birbaşa əmri və göstərişi ilə o dövrdə 4 nəfərin, yəni şəriət hakimi Hüseynəli Nəyyeri, ölkə prokuroru Murtuza Eşraqi, prokuror müavini İbrahim Rəisi və ETTELAAT-ın Evin zindanındakı nümayəndəsi Mustafa Purməhəmmədinin iştirakı ilə “Ölüm heyəti” deyilən bir qurum yaradılıb və heyətə ölkə zindanlarında saxlanılan və hələ də öz siyasi əqidə və mövqeyinə israr edən, hətta məhkəmə tərəfindən həbs cəzası alan və həbsini çəkməkdə olan siyasi məhbusların işinə yenidən baxmaq səlahiyyəti və ixtiyari verilib.

 
Bunun ardınca ölkə həbsxanalarının qapıları 3 ay müddətinə məhbus ailələrinin üzünə bağlanılıb və həmin müddətdə bütün siyasi məhbuslar, o cümlədən də xalq mücahidləri və kommunistlər “Ölüm heyəti” tərəfindən yenidən dindirilib. 2-3 dəqiqə sürən hər bir dindirilmədə məhbuslar arasında kimlərin əvvəlki əqidəsinin üstündə durub-durmaması müəyyən edilib. Nəticədə tövbədən imtina edən məhbusları başqalarından ayırıblar. Bununla da minlərlə günahsız məhbus, qısa bir zaman kəsiyində gülləbaran edilib və ya dar ağacından asılıb. Edam edilənlərin cəsədləri isə gecələr yük maşınlarında iri şəhərlərin ətrafında qazılmış kütləvi məzarlıqlara daşınaraq gizli şəkildə basdırılıb.

 İranda 13-cü prezident seçkiləri iyunun 18-də keçiriləcək.

Sosxeber.info » İRAN SƏKKİZ İŞİDÇİNİ E'DAM EDİB

A.M

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Əhmədinejad: “ETTELAAT Nazirliyində İsrail üzrə ən yüksək kəşfiyyat məmurunun özü İsrail casusu çıxdı”

2021-06-13

gun az article

Türkiyə Prezidenti: “Şuşaya, Zəfərin qazanıldığı torpaqlara səfər edəcəm”

2021-06-13

gun az article

Mirhüseyn Musəvi prezident seçkilərini boykot edib: "Təslim olmaq istəməyənlərin yanında olacağam"

2021-06-13

gun az article

Türkiyə səfiri: Ərdoğanın Şuşaya səfərinə hazırlıq davam edir

2021-06-13

gun az article

Peyvəndin ikinci dozasından sonra Putinin temperaturu yüksəldi

2021-06-13

gun az article

Paşinyan gülünc vəziyyətə düşdü

2021-06-13

gun az article

ABŞ Azərbaycanın humanitar addımını alqışladı

2021-06-13

gun az article

AVRO-2020: Belçika millisi Rusiyanı darmadağın edib

2021-06-13

gun az article

Ermənistan Ağdamda basdırılmış minaların xəritəsini Azərbaycana təhvil verdi

2021-06-12

gun az article

Paşinyan müxalifəti təhqir etdi, xalqı meydanlara çağırdı

2021-06-12

gun az article

Bu gün İranda prezidentliyə namizədlərin 3-cü debatı keçiriləcək

2021-06-12

gun az article

Akademik Çingiz Qacar vəfat edib

2021-06-12

gun az article

Azərbaycanda bəzi şəxslərə vaksinin üçüncü dozası vurulacaq

2021-06-12

gun az article

Prezident seçkiləri: "Seçki qərargahlarında çirkli pullar dolaşır- Azərbaycanlı namizəd

2021-06-12

gun az article

İlham Əliyev: "İtaliya bizim təbii qaz üçün əsas bazarlardan birinə çevrilir"

2021-06-12

gun az article

İranın Kirman əyalətində ağır yol qəzası: Bir ailənin 5 üzvü ölüb

2021-06-12

gun az article

"Televiziyalarımız oyanış prosesində mərkəz rolunu oynamalıdır"-Elnur Eltürk

2021-06-12

gun az article

Laçının Kamallı kəndindən görüntülər - VİDEO

2021-06-12

gun az article

İranın Şimali Xorasan əyalətində 4,3 bal gücündə zəlzələ olub

2021-06-12

gun az article

Azərbaycan nefti 74 dollara yaxınlaşır

2021-06-12