İranda daha 3 nəfər edam edilib

SON XƏBƏRLƏR

İranda daha 3 nəfər edam edilib

2021.10.20, 07:36

Gunaz.tv

GünAzTV: İranın Qəzvin, Kərəc və Bəndər Abbas şəhərlərində müxtəlif ittihamlara görə edama məhkum edilən daha 3 məhbus dara çəkilib. Müttəhimlərdən ikisi 6 gün əvvəl edam edilsələr də, bu barədə xəbər yenicə yayılıb.

İrandakı hüquq-müdafiəçilərinin yaydığı xəbərə əsasən, quldurluqda və cinsi təcavüzdə günahlandırılan və adı mediaya açıqlanmayan müttəhimlərdən biri dekabrın 9-u sübh saatlarında Qəzvinin mərkəzi zindanında dara çəkilib.

Həmçinin qəsdən adamöldürmədə günahlandırılaraq ölümə məhkum edilmiş Behzad Ədib adlı bir müttəhim dekabrın 4-də Kərəcin mərkəzi həbsxanasında, eyni ittihamla Cəmşid Ağa Rəhimi adlı digər müttəhim isə Bəndər Abbasın mərkəzi zindanında dar ağacından asılıb.

Qeyd edək ki, İran İslam Respublikası, əhalisinin sayına nisbətən ölkədə həyata keçirdiyi edamların sayına görə, dünyada 1-ci yeri tutur.

A.M