İranda gecə qonaqlığına qatılan daha 10 qız və oğlan tutulub

SON XƏBƏRLƏR

İranda gecə qonaqlığına qatılan daha 10 qız və oğlan tutulub

2021.10.20, 07:36

Gunaz.tv

GünAzTV: İranın Abadan şəhərində bir mağaza içində keçirilən gecə qonaqlığına qatılan daha 10 qız və oğlan tutulub.

Hadisə, martın 2-si axşam saatlarında Abadan şəhərinin Təyyib məntəqəsində baş verib. Abadan hüquq-mühafizə qüvvələri rəsmilərinin bildirdiyinə görə, 10 qız və oğlanın bir mağazada bir araya gəlib birlikdə şənlik etməsi barədə onlara xəbər daxil olan kimi, polis əməkdaşları əməliyyata başlayıb: “Əməkdaşlarımız qapısı çöldən bağlanmış həmin mağazaya gedib sərxoş və xoşagəlməz vəziyyətdə bir-biri ilə əylənən qız və oğlanları tutublar. Mağazada alkoqollu içkilər və musiqi alətləri aşkarlanaraq götürülüb. Tutulan gənclər polis bölməsinə aparılıb və hazırda məsələ araşdırılır”.

Xatırladaq ki, 2016-cı ilin iyun ayından bu günə kimi, İranın müxtəlif şəhərlərində polisin qız və oğlanların birgə qatıldığı gecə qonaqlıqlarına, banketlərə və ad günü mərasimlərinə hücumunda ən azı 1850 nəfər həbs edilib.

A.M