İranda imamların matəm mərasimi zamanı şənlik keçirən bir qrup bəhayi həbs edilib

31.10.2019, 12:50

GünAz TV: "Sepah" terror təşkilatının Kəşfiyyat İdarəsi bir qrup bəhayini həbs etdiyi barədə məlumat yayıb.


Qurumun məlumatına əsasən, həmin bəhayilər Şirazda imam Əli bin Musa Əlrzanın vəfat günü ilə əlaqədar keçirilən yas mərasimləri zamanı öz dinlərinin böyüklərindən birinin doğum gününün il dönümü münasibətilə şənlik məclisi keçiriblər.

 

"Sepah"ın məlumatında həmçinin bildirilir ki, onlar şənlik mərasimlərini şəhərin bütün nöqtələrində gizli şəkildə təşkil ediblər. Saxlanılan şəxslərin sayı və kimlikləri barədə məlumat verilmir.

 

Qeyd etmək lazımdır ki, bəhayi dininə mənsub olan şəxslər İranda ən çox ayrı-seçkiliyə məruz qalan dini azlıqlar hesab edilirlər. Onların təhsil almaq kimi təməl hüquqları əllərindən alınıb. Eləcə də, tez-tez İran təhlükəsizlik qüvvələrinin bəhayilərə məxsus ticarət obyektlərini dağıtdıqları və ya bağladıqları barədə məlumatlar yayılır.

 

Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz