SON XƏBƏRLƏR

İranda polis komandanı: “Şəhriyar şəhərində axşam qonaqlığına qatılan 111 kişi və qadın həbs edilib”

2021.10.20, 07:36
İranda polis komandanı: “Şəhriyar şəhərində axşam qonaqlığına qatılan 111 kişi və qadın həbs edilib”

Gunaz.tv

GünazTV: İranın Şəhriyar şəhərində bir bağ evində keçirilən axşam qonaqlığına qatılan 111 kişi və qadın həbs edilib.

 

Bu barədə, Tehran əyalətinin hüquq-mühafizə qüvvələrinin komandanı Möhsün Xançərli bu gün mediaya açıqlamasında xəbər verib.

 

Polis komandanı deyib ki, aprelin 2-si aşam saatlarında Şəhriyarın ətraf bağ evlərinin birində kişi və qadınların birgə qatıldığı qonaqlığın keçirilməsi barədə polisə məlumat daxil olan kimi, hüquq-mühafizə qüvvələri həmin bağ evində əməliyyat keçiriblər: “Əməkdaşlarımızın Şəhriyarın Bağıstan məntəqəsində yerləşən həmin bağ evində keçirdikləri birgə əməliyyatda axşam qonaqlığına və şənlik məclisinə toplanmış 111 nəfər tutulub. Həbs edilənlərdən 91-i kişi, 20-si isə qadındır.

 

Həmçinin, axşam qonaqlığını təşkil edən bağ evinin sahibi də həbs edilərək barəsində cinayət işi açılıb. Bundan başqa, bağ evində axşam şənliyinə qatılanlara məxsus 31 ədəd avtomobil aşkarlanaraq, zəbt edilib” -deyə,  Tehran əyalətinin hüquq-mühafizə qüvvələrinin komandanı Möhsün Xançərli bəyan edib.

 

 

Xatırladaq ki, 2016-cı ilin iyun ayından bu günə qədər, İranın müxtəlif şəhər və bölgələrində polis qüvvələrinin qız və oğlanların birgə qatıldığı gecə qonaqlıqlarına, banketlərə və ad günü mərasimlərinə hücumunda 2450-dən çox qız və oğlan həbs edilib.

 

A.M

SEÇİLMİŞ XƏBƏRLƏR

Çox oxunanlar