İranda qadın hüquq müdafiəçisi Bəharə Hidayət həbs edilib

SON XƏBƏRLƏR

İranda qadın hüquq müdafiəçisi Bəharə Hidayət həbs edilib

2021.10.20, 07:36

Gunaz.tv

GünazTV: İranda Vəhdəti Möhkəmləndirən Qurumun mərkəzi şurasının sözçüsü, tanınmış qadın hüquq müdafiəçisi Bəharə Hidayət həbs edilib.

Xanım Hidayət, bir neçə gün əvvəl “Twitter” səhifəsində apardığı dinc fəaliyyəti ilə bağlı ifadə vermək üçün təhlükəsizlik qurumlarından birinə çağırıldığı barədə məlumat yaymışdı.

Tehran Universiteti tələbələrinin bildirdiyinə görə, ifadə vermək üçün Bəharə Hidayəti çağıran qurum, Tehran Universitetinin təhlükəsizlik bölməsidir və o fevralın 10-da həmin bölməyə müraciət etdikdən sonra yoxa çıxıb. Onun universitetin təhlükəsizlik əməkdaşları tərəfindən həbs edilərək naməlum istiqamətə aparıldığı bildirilir.

Xatırladaq ki, Bəharə Hidayət 2009-cu ildə İranda keçirilmiş prezident seçkilərinin saxtalaşdırılmış nəticələrinə qarşı Tehranda keçirilən kütləvi etirazlarda tutularaq, ölkə prezidentini və “dini lider” Əli Xamneyini təhqir etməkdə və ölkənin milli təhlükəsizliyinə qarşı çıxmaqda günahlandırılmışdı.

O, həmin ittihamlara görə Tehran məhkəməsi tərəfindən 7 il yarım həbsə məhkum edilmişdi. Zindandakı həbs müddətini başa vuran Bəharə Hidayət 2017-ci ildə azadlığa buraxılmışdı.

A.M