İranda rejim qüvvələrinin tutulan dərvişlərə qarşı zorakılığını əks etdirən videolar yayılıb – 2 VİDEO

27.02.2018, 11:20

GünAzTV: Bir həftə əvvəl Tehranın Pasdaran küçəsində hüquq-mühafizə qüvvələrinin hücumunda həbs edilən dərvişlərə qarşı zorakılığını əks etdirən videolar yayılıb.

 

Yayılan videolarda, hüquq-mühafizə qüvvələrinin, “Bəsic” və “Hizbullah”çı muzdlu dəstələrinin yardımı ilə tutduğu dərvişlərə qarşı vəhşiliyini nümayiş etdirən səhnələr öz əksini tapıb. Həmin videolarda əlində dəyənək və qılınc olan hökumət qüvvələri, həbs edilən dərvişlərə qarşı fiziki zorakılıq etdikdən sonra onlara namus söyüşləri verir, yaşlı dərvişlərdən bəzilərinin yalvarışına baxmayaraq onları pis-pis söyərək təhdid və təhqir edirlər. Həmçinin bildirilir ki, tutulan dərvişlərdən ən azı 3-ü aldığı zərbələrdən xəstəxanada keçinib, biri isə həbsxanada işgəncələr altında dindirilirkən öldürülüb. Həmin şəxslərin adları hələlik mediaya açıqlanmayıb. Hazırda rejim qüvvələrinin hücumu nəticəsində müxtəlif dərəcəli bədən xəsarəti alan dərvişlərdən ən azı 170-inin təhlükəsizlik qüvvələrinin nəzarəti altında xəstəxanalarda müalicə aldığı bildirilir.

 

Fevralın 19-u axşam saatlarında Tehranın Pasdaran küçəsində Qonabad dərvişləri ilə hüquq-mühafizə qüvvələri arasında baş verən qarşıdurmada 3 polis və 1 “Bəsic” muzdlusu öldürülüb, onlarla dərviş yaralanıb, ən azı 300-ü həbs edilib.

 

Hadisə, dərviş Nemətullah Riyahinin həbs edilməsindən və dərvişlərin yaşadığı məhəllələrin hökumət qüvvələri tərəfindən mühasirəyə alınmasından sonra baş verib. Dərvişlər, əvvəlcə polis komandanları ilə sakitcə danışaraq, həbs edilən fikirdaşlarının dərhal azadlığa buraxılmasını tələb ediblər. Lakin problemin dinc yolla həlli nəticəsiz qaldıqdan sonra, polislər dərvişləri təhdid edərək, onları dağıtmağa cəhd ediblər. Polisin dərvişlərə qarşı zorakılığı isə qarşıdurmaya səbəb olub.

 

Fevralın 20-si sübh saat 04:00 radələrinə qədər davam edən qarşıdurmada, polis, dərvişləri dağıtmaq üçün dəyənək və gözyaşardıcı qazdan istifadə edib, onlara odlu silahdan atəş açıb. Nəticədə onlarla dərviş yaralanıb, ən azı 300-ü həbs edilərək naməlum istiqamətə aparılıb. Qarşıdurmalarda həmçinin 3 polis və 2 “Bəsic” muzdlusu həlak olub, bir neçəsi yaralanıb.

 

Xatırladaq ki, 90 yaşlı Nurəli Tabəndə (Məczubəlişah), məşhur şiə-sufi təriqətlərindən olan Nemətullahi sülaləsinin indiki başçısıdır. Son həftələrdə hökumət qüvvələri iki dəfə onu həbs etməyə çalışsalar da, tərəfdarları onun yaşadığı evin ətrafında toplaşaraq rejimin öz niyyətini yerinə yetirməsinin qarşısını alıblar. Nurəli Tabəndə isə onun tərəfdarı olan dərvişlərə müraciət edərək onları sakitliyə və rejimin əlinə bəhanə verməməyə çağırıb.

 

VİDEOLAR:

 

 

A.M

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Tehranda mədəni fəal həbs edilib

2022-05-18

gun az article

İbrahim Rəisi hökuməti edamların sayını artırıb

2022-05-18

gun az article

İsrailin kənd təsərrüfatı texnologiyaları Azərbaycanda uğurla tətbiq oluna bilər

2022-05-18

gun az article

Litva Prezidenti Şəhidlər xiyabanını ziyarət edib

2022-05-18

gun az article

Ərdoğan İlham Əliyevə təşəkkür etdi

2022-05-18

gun az article

Tehran Ticarət Palatası: "İranda inflyasiya Səudiyyə Ərəbistanından 17 dəfə çoxdur"

2022-05-18

gun az article

İranla sərhəddə hərbçilərimizə atəş açıldı

2022-05-18

gun az article

"İran xalqının taqəti tükənib"- Tanınmış rejissor Kann Festivalında hökuməti tənqid etdi

2022-05-18

gun az article

İranın İlam şəhərində silahlı qarşıdurma olub-Bir neçə nəfər öldürülüb

2022-05-18

gun az article

Ukraynanın bərpasında Rusiyanın dondurulmuş aktivlərindən istifadə oluna bilər

2022-05-18

gun az article

İsrailin müdafiə naziri İranla bağlı müzakirələr aparmaq üçün Amerikaya gedib

2022-05-18

gun az article

Azərbaycan və Litva prezidentləri görüşdü

2022-05-18

gun az article

İranda ərzaq üsyanı: İsfahanda izdihamlı mitinqlər keçirilib

2022-05-18

gun az article

Xamneyinin istefasını tələb edən ictimai fəal həbs edilib

2022-05-18

gun az article

İranda məhkum edam edilib

2022-05-18

gun az article

Müxalifət İrəvanda yenidən aksiyaya başlayıb, küçələri bağlamağa çalışır

2022-05-18

gun az article

Baş Qərargah: "Donetsk və Luqansk istiqamətində Rusiyanın 12 hücumu dəf edilib"

2022-05-18

gun az article

Ermənistan Azərbaycan Ordusunun Kəlbəcərdəki mövqelərini intensiv atəşə tutub

2022-05-18

gun az article

İƏT PA-nın Üçüncü Ümumi Konfransının iştirakçıları Şuşaya yola düşüblər

2022-05-18

gun az article

İranda daha bir etirazçı gənc güllələnib

2022-05-18