İranda türklərin təhqir olunması ilə bağlı cəza qanunu yoxdur

SON XƏBƏRLƏR

İranda türklərin təhqir olunması ilə bağlı cəza qanunu yoxdur – Millət vəkili / VİDEO

2021.10.20, 07:36

Gunaz.tv

GünAz TV: Təbrizin millət vəkili Məhəmməd Hüseyn Fərhəngi bildirib ki, İranda yaşayan qövmlərin təhqir olunmasına qarşı cəza qanunu olmadığı üçün davamlı olaraq milyonlarla türk, ərəb, kürd və s. təhqir olunmasına şahid oluruq.

Çərşənbə günü deputatlar islam cəza qanununun beşinci məcəlləsinə yeni maddələrin əlavə olunmasına razılıq veriblər. Təcili plana əsasən ölkədə yaşayan millətlərin təhqir olunması ilə bağlı qanunda cəza nəzərdə tutulmalıdır.

“Məclis” xəbər agentliyinin yaydığı məlumata görə, parlamentdə olan 194 millət vəkilindən 114-ü planın lehinə və 36-ı əleyhinə səs verib, 5 millət vəkili isə bitərəf qalıb. Planın parlamentdə müzakirəyə çıxarılacağı gözlənilir.

Təbriz, Azərşəhr (Tufarqan) və Üskünün (Uşkaya) millət vəkili Məhəmməd Hüseyn Fərhəngi planı təklif edən deputat kimi parlamentdə çıxış edib. “Bəziləri qövm və məzhəbləri təhqir edərək cəmiyyətə təsir göstərir. Bizdə milyonlarla türk, ərəb, kürd və s. təhqir olunmasına qarşı cəza qanunu yoxdur. Halbuki, fiziki şəxslər və rəsmi məqamları təhqir edənlər məsuliyyətə cəlb olunur. Qövmərlə bağlı belə bir qanunun olmaması bir boşluqdur. Bəziləri vəziyyətdən sui-istifadə edərək bir məqalə və ya kitab yazmaqla cəmiyyətə təsir göstərir.

Ona görə də biz bu məsələni cəmiyyətin prioritet məsələsi olduğunu düşünərək təcili planı təqdim edirik. Planın təfərrüatı gələcəkdə parlamentin hüquqi komissiyasında müzakirə olunacaq”- deyə o çıxışının bir hissəsində qeyd edib.

İranda qeyri-fars millətləri, xüsusi ilə də türklərə qarşı ayrı-seçkilik siyasəti həyata keçirilir. İran rejimi hətta formal qanunla belə irqçiliyi məhdudlaşdırmağı lazım görmür, əksinə müxtəlif vasitələrlə fars şovinizminin yayılmasına şərait yaradır.

https://www.youtube.com/watch?time_continue=21&v=EafMfeBfPT8