GünazTV: İranın Kirman əyalətində yerli hüquq-mühafizə qüvvələrinin bir əməkdaşı naməlum silahlı dəstə üzvləri ilə baş verən qarşıdurmada öldürülüb.
Hadisə, iyunun 6-sı sübh saatlarında Kirman əyalətinin Cazmuriyan məntəqəsində baş verib. Bölgədə rey keçirən hökumət qüvvələri ilə naməlum silahlı şəxslər arasında qarşıdurma yaranıb. Atışma nəticəsində hüquq-mühafizə qüvvələrinin əməkdaşı Məhəmməd Əmin Allahdadi aldığı güllə yarasından yerindəcə keçinib.
Yaraqlı dəstə üzvləri hadisə yerindən qaça biliblər. Silahlı qarşıdurmada yaralıların olub-olmaması barədə hər hansı bir məlumat yayılmayıb.
A.M
