İraqda İranın dəstəklədiyi “Kətəibul-Hizbullah” qərargahına hava zərbələri endirilib

SON XƏBƏRLƏR

İraqda İranın dəstəklədiyi “Kətəibul-Hizbullah” qərargahına hava zərbələri endirilib

2021.10.20, 07:36

Gunaz.tv

GünAz TV: Ötən gecə İranın dəstəklədiyi “Kətəibul-Hizbullah” yaraqlılarının bu ölkənin Suriya ilə həmsərhəd bölgəsi olan Əl-Qaimdə yerləşən qərargahına hava zərbələri endirilib.

Hələlik iraqlı rəsmilər məsələ ilə bağlı açıqlama verməyiblər. Lakin yerli media orqanlarında naməlum təyyarələr tərəfindən həyata keçirilən hücum nəticəsində “Kətəibul-Hizbullah” 1 komandanının öldüyü, bir neçə yaraqlısının isə yaralandığı deyilir.

Xatırladaq ki, ABŞ-ın Bağdaddakı səfirliyinə edilən hücumdan sonra, 2019-cu ilin dekabr ayının 29-da Amerika Əl-Qaim bölgəsində mənzillənən şiə yaraqlılarına qarşı hava hücumu təşkil etmişdi. Həmin hücumda “Kətəibul-Hizbullah”ın bir neçə komandanı və üzvü həlak olmuşdu.

Eləcə də, Suriya və İraqın həmsərhəd bölgələrində qərarlaşan şiə yaraqlılarına qarşı İsrail Hərbi Hava Qüvvələri də bir neçə dəfə hücum həyata keçirib.

Ə.A