Kanada: “İran sərnişin təyyarəsinin iki qara qutusunu dərhal təhvil verməlidir”

20.01.2020, 13:59

GünazTV: Kanadanın xarici işlər naziri Fransua Filip Şampan yanvarın 19-da jurnalistlərə açıqlamasında İranda “Sepah” terror təşkilatının raketi ilə vurulan Ukraynanın sənişin təyyarəsinin qara qutularının bu günə qədər təhvil verilməməsindən danışıb.

 

Şampan deyib ki, o Omanın paytaxtı Məsqətdə iranlı həmkarı Məhəmmədcavad Zəriflə görüşündə təyyarənin qara qutularının araşdırılması üçün dərhal təhvil verilməsini tələb edib: “Mən iranlı həmkarımla keçirdiyim görüşdə Kanadanın bu barədəki mövqeyini açıqlayaraq, təyyarənin hər iki qara qutusunun təcili olaraq ya Fransaya, ya da Ukraynaya təhvil verilməsini istəmişəm.

 

Hesab edirik ki, təyyarənin qara qutuları onun səs yazılarını oxumaq qabiliyyətinə və təcrübəsinə malik olan ölkələrdən birinə göndərilməli, bu məsələ şəffaf şəkildə araşdırılmalıdır” –deyə, Kanadanın xarici işlər naziri Fransua Filip Şampan əlavə edib.

 

Bundan əvvəl, Kanadanın baş naziri Castin Trüdo da rəsmi Tehrana təzyiq göstərərək, “Sepah”ın süquta uğratdığı sərnişin təyyarəsinin qara qutularının Fransaya təhvil verilməsini tələb edib.

 

İran isə göstərilən bütün təzyiqlərə baxmayaraq, müxtəlif bəhanələrlə təyyarənin qara qutularını təhvil verməkdən imtina edir, məsələni gecikdirir. İranın qara qutuları təhvil verməkdən boyun qaçırması isə beynəlxalq dairələrdə şübhələrin daha da artmasına səbəb olub. Belə bir fikir yayılır ki, İran qara qutuları təhvil verməkdən imtina etməklə əslində təyyarə qəzası ilə bağlı həqiqətin ifşa olunmasından qorxur, nəyisə gizlətməyə çalışır.

 

Bu arada, İran Aviasiya Təşkilatının təyyarə qəzalarının araşdırılması ilə bağlı idarəsinin baş direktoru Həsən Rzayifər yanvarın 19-da jurnalistlərə açıqlamasında Ukraynanın sərnişin təyyarəsinin qara qutularını hansısa bir ölkəyə göndərməyəcəklərini bir daha vurğulayıb: “Ukraynanın “Boeing 737” sərnişin təyyarəsinin qara qutuları İrandadır və bizim onları ikinci bir ölkəyə göndərmək üçün hər hansı bir plan və niyyətimiz yoxdur. Qara qutular hazırda İranın Aviasiya Təşkilatındadır və biz onları ölkə daxilində araşdırmağa çalışırıq” –deyə, İran Aviasiya Təşkilatının təyyarə qəzalarının araşdırılması ilə bağlı idarəsinin baş direktoru Həsən Rzayifər bəyan edib.

 

Həsən Rzayifər

 

Xatırladaq ki, yanvarın 8-i sübh saat 06:00-da Tehrandan Kiyevə uçan Ukrayna Hava Yollarına məxsus "Boeing 737" sərnişin təyyarəsi göyə qalxdıqdan bir neçə dəqiqə sonra Pərənd şəhərciyi yaxınlığında “Sepah”ın atdığı 2 raketlə vurularaq yerə salınıb. Hadisə nəticəsində 11-i Ukrayna vətəndaşı olmaqla, ekipaj heyəti ilə birlikdə 176 nəfər həyatını itirib. Təyyarədə ölənlərin 147 nəfəri İran vətəndaşları olub. Onlardan isə 63-ü həm İran, həm də Kanada vətəndaşları olublar. Qurbanlar arasında digər ölkələrin də vətəndaşları var. Bildirilir ki, hadisədə həyatını itirənlərin 138 nəfəri Kiyevə çatdıqdan sonra növbəti uçuşla Kanadaya gedəcəklərmiş.

 

 

Təyyarənin vurulması, “Sepah” terror təşkilatının Qasım Süleymaninin qisasını almaq məqsədilə İraqda Amerikanın hərbi bazalarına raket hücumundan bir neçə saat sonraya təsadüf edib.

 

A.M

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Sistan-Bəluçistanda silahlı qarşıdurma olub

2022-07-03

gun az article

Azərbaycan və Türkiyə birgə hərbi təlim keçirib

2022-07-03

gun az article

Qoşulmama Hərəkatı Parlament Şəbəkəsinin Bakı konfransının iştirakçıları Şuşada olublar

2022-07-03

gun az article

Lapid: "İsrail İranın nüvə potensialına yiyələnməsinin qarşısını almaq üçün bütün tədbirləri görəcək"

2022-07-03

gun az article

Xalq Mücahidləri Təşkilatı Tehranda "Bəsic" qərargahına hücumun məsuliyyətini öz üzərinə götürüb

2022-07-03

gun az article

İranın neft-kimya zavodunda güclü yanğın olub

2022-07-02

gun az article

Özbəkistanda iğtişaş törədənlər tutuldu

2022-07-02

gun az article

SEPAH mediası Azərbaycana qarşı hədyanlar yağdırdı

2022-07-02

gun az article

Ceyhun Bayramov yaxın günlərdə İrana səfər edəcək

2022-07-02

gun az article

İsfahanda məşhur molla güllələndi

2022-07-02

gun az article

BMT baş katibinin müavini İranın nüvə proqramı ilə bağlı narahatlığını bildirib

2022-07-02

gun az article

İranı nüvə danışıqlarında təmsil edən Əli Baqeri Kəni Moskvaya səfər edib

2022-07-02

gun az article

Tehranda SEPAH qərarqahına hücum olub

2022-07-02

gun az article

Belçika ilə məhbus mübadiləsi planı: İran casusu azad oluna bilər

2022-07-02

gun az article

İranda zəlzələ olub-Ölən və yaralananlar var-VİDEO

2022-07-02

gun az article

Sari zindanında məhkum edam edilib

2022-07-02

gun az article

Kərəc həbsxanasında rəzalət: Prokuror dini müqəddəsləri və sünni məhkumları təhqir etdi

2022-07-02

gun az article

İranın rəsmi mediası Azərbaycanla bağlı növbəti təxribatçı məqalə dərc edib

2022-07-01

gun az article

Laçından çıxarılacaq ermənilər Şuşanın kəndlərinə köçürüləcək

2022-07-01

gun az article

Ceyhun Bayramov yeni səfiri qəbul etdi

2022-07-01