Kirmanda koronavirusa tutulanların 41%-i tibbi personaldır

SON XƏBƏRLƏR

Kirmanda koronavirusa tutulanların 41%-i tibbi personaldır

2021.10.20, 07:36

Gunaz.tv

GünAz TV: Kirman əyalətinin Sənaye, Mədən və Ticarət Təşkilatı əyalət ərazisində koronavirusa yoluxanların 41%-nin tibb işçiləri olduğu barədə məlumat yayıb.

Xəbərə əsasən, buna səbəb bölgədə tibb maska, əlcək, spirt və digər ləvazimatların çatışmazlığıdır.

Son günlər ərzində İranın əksər bölgələrində tibbi ləvazimat çatışmazlığı yaşanır. Buna görə də, virusa yoluxma halları daha da artmaqdadır.

Bəzi xəbərlərdə bildirilir ki, yuxarıda qeyd edilmiş tibbi ləvazimatları bölgə əhalisi və xeyirxah insanlar alıb xəstəxanalara verirlər. İran Milli Məclisinin Kirmanı təmsil edən deputatı Məhəmmədrza Puribrahimi bildirib ki, xeyirxah insanların köməkləri sayəsində 300 min maska və 20 min litr dezinfeksiya edici maddə alınıb və bir neçə günə əyalətin xəstəxanalarına paylanılacaq.

Rəsmi statistikalarda bu günə qədər Kirman əyalətində 25 nəfərin koronavirusa yoluxduğu bildirilir.

Qeyd etmək lazımdır ki, İran rejimi hər dəfə bu cür hadisələr və ya fövqəladə hadisə baş verən zaman öz xalqına kömək göstərmir. Lakin rejim hər zaman İranın pullarını Bəşər Əsəd rejiminə, Fələstində, Livanda, İraqda və Yəməndə fəaliyyət göstərən terror təşkilatına verir.

Ə.A