SON XƏBƏRLƏR

Əli Baqiri Kəni: “Razılaşmışıq ki, bir az istirahət etmək üçün danışıqları dayandıraq”

2021.12.18, 14:11
Əli Baqiri Kəni: “Razılaşmışıq ki, bir az istirahət etmək üçün danışıqları dayandıraq”

Gunaz.tv

Vyanada Tehranla nüvə danışıqları aparan üç Avropa ölkəsi dekabrın 17-də İranı müzakirələri dayandırmaqda günahlandırıblar.

İranın danışıqlarda hansısa bir razılaşmanın əldə olunmasına meyilli olmadığını deyən Avropa ölkələri bildiriblər ki, müzakirələrin təxirə salınması İranın xahişi ilə olub.

“İranın danışıqları dayandırmaq üçün atdığı bu addımı ümidsizliyə səbəb olub”, -deyə üç Avropa ölkəsinin diplomatları bildiriblər.

İranın Vyanada dünya gücləri ilə danışıqlar aparan nümayəndə heyətinin başçısı Əli Baqiri Kəni isə bu gün jurnalistlərə açıqlamasında ölkəsinin danışıqları dayandırması ilə bağlı Avropa ölkələrinin dediklərini rədd edib.

Baqiri Kəni iddia edib ki, danışıqlar qarşılıqlı bir razılaşma ilə təxirə salınıb.

“Biz əvvəlcədən belə bir razılığa gəlmişdik ki, razılaşmanın ilkin mətni hazırlandıqdan sonra müzakirələri bir az fasilə verib istirahət edək. 

Hesab edirəm ki, əgər qarşı tərəf (Amerika və Avropa ölkələri-Red) İran İslam Respublikasının məntiqi mövqeyini qəbul etsə, müzakirələrin növbəti mərhələsi danışıqların on mərhələsi ola bilər”, -deyə Əli Baqiri Kəni bildirib.

Danışıqların növbəti mərhələsinin keçirilməsi tarixi konkret təyin edilməsə də, Rusiyanın Vyana danışıqlarında iştirak edən nümayəndəsi Mixail Ulyanov mediaya açıqlamasında müzakirələrin növbəti mərhələsinin dekabrın 27-də və ya 2022-ci il yanvarın 3-də başlana biləcəyi ehtimalından danışıb.

İran bildirir ki, ölkəyə qarşı tətbiq edilən bütün sanksiyaların ləğv olunması onun prioritetidir. Qərb tərəfi isə İranın bu tələbini rədd edərək, onun qəbuledilməz olduğunu bildirir. 
 
A.M

SEÇİLMİŞ XƏBƏRLƏR

Çox oxunanlar