Vəhid Şadiniya aprelin 7-i səhər saatlarında mediaya verdiyi açıqlamada Məlikan şəhərinin Yüzbaşı kəndi ərazisində ağır yol qəzasının baş verdiyini deyib.
Onun sözlərinə görə, "Peykan" və "Nissan" markalı avtomobillərin toqquşması nəticəsində 2 nəfər yerindəcə keçinib, 3 nəfər isə ağır bədən xəsarətləri ilə xəstəxanaya çatdırılıblar.
Bir neçə gün bundan öncə Şərqi Azərbaycan əyalətinin Yol Polisi İdarəsinin başçısı Hüseyn Əbdi son 11 ay ərzində əyalətdə baş verən yol qəzaları nəticəsində 823 nəfərin öldüyünü, 15 min nəfərin isə yaralandığını deyib.
Qeyd edək ki, İranın avtomobil yolları dünyanın ən ölümcül yolları, İran istehsalı avtomobillər isə ən təhlükəli nəqliyyat vasitələri arasında yer alır.
İran Asiyada yol qəzalarında ölənlərin sayına görə yeddinci yerdədir.
Normal yollara malik olan ölkələrlə müqayisədə İranda yol qəzalarının sayı 10 dəfə daha çoxdur.
İranın Tibbi Ekspertiza Mərkəzinin yayınladığı son məlumata görə, ölkədə yol qəzalarında həyatını itirənlərin illik sayı ortalama 17 min nəfər, yaralananların sayı isə 35 min nəfər civarındadır.
Timur
