Mariya Stadnik Pekin Olimpiadasında Azərbaycana daha bir medal qazandırıb

SON XƏBƏRLƏR

Mariya Stadnik Pekin Olimpiadasında Azərbaycana daha bir medal qazandırıb

2021.10.20, 07:36

Gunaz.tv

Mariya Stadnik Pekin Olimpiadasında Azərbaycana daha bir medal qazandırıb

Bu gün XXIX Pekin Yay Olimpiya Oyunlarında qadın güləşçilər mübarizəyə qoşulublar. “APA-SPORT” agentliyinin məlumatına görə, döşək üzərinə çıxan Azərbaycanın hər iki idmançısı ilkin mərhələdə məğlubiyyətlə üzləşib. Yığmamızın ukraynalı legioneri Mariya Stadnik (48 kq) 1/8 finalda Karol Huyna (Kanada) uduzub. Rəqibi finaladək irəlilədiyindən M. Stadnik təsəlliverici mərhələyə qatılmaq imkanına yiyələnib. Avropa çempionumuz olimpiadanın bürünc medalı uğrunda ilk görüşdə koreyalı Hyunq-Yo Kimi üstələyib - 1:0; 3:2. 20 yaşlı pəhləvanımız həlledici görüşünü Tatyana Bakatyuka (Qazaxıstan) qarşı keçirib. İlk hissədə 2:1 hesabı ilə üstün olan M. Stadnik növbəti hissədə 8 xal qazanaraq, vaxtından əvvəl qalib gəlib. Beləliklə, xanım idmançımız yay olimpiya oyunlarında üçüncü yeri tutaraq, Azərbaycana 5-ci medalı qazandırıb. Digər güləşçimiz Yelena Komarova (55 kq) isə olimpiada ilə erkən vidalaşıb. O, 1/8 finalda dünya çempionatının bürünc mükafatçısı rusiyalı Natalya Qoltsla bacarmayıb. N. Qolts 1/4 finalda məğlub olduğundan Y. Komarova təsəlliverici mərhələdə iştirak etmək şansını da itirib. Qeyd edək ki, idmançılarımızdan cüdoçular Elnur Məmmədli (73 kq) qızıl, Mövlud Mirəliyev (100 kq) bürünc, yunan-Roma güləşçiləri Rövşən Bayramov (55 kq) və Vitali Rəhimov (60 kq) isə gümüş medala sahib çıxıblar. LENT.AZ