Məhsa Mehdili: "Abbas Lisaniyə verilən cəza bütün hərəkata verilən cəzadır" – Müsahibə

07.11.2019, 14:23

GünAz TV: Məhsa Mehdili Güney Azərbaycandakı milli hərəkatın liderlərindən olan Abbas Lisaniyə qarşı verilən 15 il həbs və iki il sürgün cəzasını, bütün hərəkat və milli fəallara qarşı çıxarılmış bir cəza kimi dəyərləndirir.


Siyasi ekspert “Amerikanın Səsi” ilə söhbətdə deyib ki, “17 il bir mədəni fəal üçün və bizim hərəkata qarşı çox ciddi bir sanksiyadır. Çox ciddi bir cəzadır. Hamımız bunun qarşısında durmalıyıq. Bunu sadəcə Abbas bəyə deyil, bütün milli hərəkatımıza və bütün aktivistlərimizə kəsilmiş bir hökm kimi görməliyik.”


Apellyasiya Məhkəməsində həbs müddəti 8 ildən 15 ilə artırılan Abbas Lisaninin dosyesi ilə bağlı İranın Ali Məhkəməsinə müraciət etməyə hazırlaşan vəkil Məhəmmədrza Fəqihi oktyabrın 20-də nəzarət altına alındı. O daha sonra sərbəst buraxılsa da, Lisanini müdafiə etdiyi üçün təhlükəsizlik qurumunun basqı və təhdidlərinə məruz qaldığı bildirilir.

 

 

Abbas Lisani


Məhsa Mehdilinin sözlərinə görə, “vəkilin həbs edilməsi əslində məhkəmə və hüquq sisteminin nə qədər iqtidara, hökümətə və zora xidmət etdiyini göstərir. Məhkəmənin bir ədalət qurumu olmadığını göstərir. İnsanlar məhkəməyə güvənə bilməyəcəksə, özünü müdafiə edə bilməyəcəksə, vəkillər də gedib insanları müdafiə edə bilməyəcəksə, demək ki, tamamən bir vəhşət, terror və zorbalıq sistemi qurulmuşdur.”


Mehdili Abbas Lisaninin “Güney Azərbaycan milli hərəkatındakı ağırlığına və insanları səfərbər etmək qabiliyyətinə” diqqət çəkərək əlavə edir ki, “Abbas bəyin həm mücadilə metodlarına, həm də dediklərinə baxdığımızda görürük ki, onun mücadiləsinin ana xətti mədəni və dinc şəkildə hərəkət etməkdir.”


O hesab edir ki, “mədəni şəkildə fəaliyyət edən birini belə ağır cəzalar və əziyyətlərə məruz qoyaraq, istər-istəməz milli hərəkatı radikallaşdırmağa çalışırlar.”


Məhsa Mehdili həmçinin son vaxtlar Güney Azərbaycan və Tehranda türkcə kitablar nəşr edən naşirlərin məruz qaldığı basqılara dair fikirlərini “Amerikanın Səsi” ilə paylaşıb:
“Hakimiyyət üçün əsas məsələ o kitabların türkcə olmasıdır. Ola bilər ki, məzmunu misal üçün, tamamən dini bir kitab olsun. Hətta bunları tərifləyən bir məzmun ola bilər. Amma türkcə olduğu üçün ona qarşı çıxırlar.”
O əlavə edir ki, “İran hakimiyyəti yumşalmaq yerinə, tələblərə qulaq asmaq yerinə yeni cəbhə açıb. Türk dilini haradasa evlərdə qadağa edəcəklər. ‘Farsca yetərlilik testi’ təşəbbüsünü də gördük. Türkcəni Azərbaycanda və türklərin evində yox etməyə yönəlik layihələr inkişaf etdirirlər.”


Müsahibənin Audiosunu qaynağımız olan aşağıdakı Link-dən izləyə bilərsiniz:


https://www.amerikaninsesi.org/a/abbas-lisaniy%C9%99-veril%C9%99n-c%C9%99za-b%C3%BCt%C3%BCn-h%C9%99r%C9%99kata-veril%C9%99n-c%C9%99zad%C4%B1r-/5152916.html

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Qərbi Azərbaycan əyalətində onlarla kəndin yolu bağlanıb

2022-01-28

gun az article

Zənganda dəmir yolu işçiləri tətilə başlayacaq-4 aydır onların əmək haqqı verilmir

2022-01-28

gun az article

Sərəskənddə inşasına 15 il bundan öncə başlanan “Səhənd” su bəndinin tikintisi yarımçıq qalıb

2022-01-28

gun az article

Qəzvinin sement zavodunda güclü yanğın -VİDEO

2022-01-28

gun az article

Həmədanda yol qəzalarında ölənlərin sayı artıb

2022-01-28

gun az article

Ərdəbildə yolların açılması üçün texnika çatışmır

2022-01-28

gun az article

Qərbi Azərbaycanda kənd adı kürdləşdirilib

2022-01-28

gun az article

İranın dövlət televiziyasına kiber hücum edilib

2022-01-28

gun az article

Əlirza Fərşi “Bina” xəstəxanasına aparılıb: Milli fəal gözündən əməliyyat olunub

2022-01-28

gun az article

Təbrizdə türk dilində "Koroğlu" tamaşası səhnəyə qoyulub

2022-01-28

gun az article

Güney azərbaycanlı dəmir yolu işçiləri tətil aksiyasına başlayır

2022-01-27

gun az article

Qərbi Azərbaycanda istehsal müəssisələrinin çoxu fəaliyyətini dayandırıb

2022-01-27

gun az article

Urmu zindanında iki nəfər edam edilib

2022-01-27

gun az article

Ərdəbil əyalətinin su və kanalizasiya xətləri köhnədir

2022-01-27

gun az article

Məlikanda bir neçə hökumət məmuruna qarşı cinayət işi açılıb

2022-01-27

gun az article

Şərqi Azərbaycanda koronovirusun yeni ştammına yoluxanlar çoxalıb-Ölənlər var

2022-01-27

gun az article

Ərdəbildə yolların bağlı olması yeniyetmənin ölümünə səbəb oldu

2022-01-27

gun az article

Urmu gölünün sahəsi dahada kiçilib

2022-01-27

gun az article

Xoy zindanında saxlanılan milli fəal sərbəst buraxılıb

2022-01-27

gun az article

Qərbi Azərbaycanda 6 tarixi abidə milli əsərlər siyahısına salındı

2022-01-26