Məhsa Mehdili: Özümüzü mərkəzçi qruplardakı türklərə anlatmalıyıq – Müsahibə / AUDİO

08.12.2017, 14:15

GünAz TV: Azərbaycanlı milli-mədəni fəal, Güney Azərbaycan Milli Azadlıq Cəbhəsinin (GAMAC) sözcüsü Məhsa Mehdili “Amerikanın Səsi” ilə söhbətdə ‘Güney Azərbaycan Milli Hərəkatı’-nın İranın mərkəzçi qruplarla dialoq içində olduğu təqdirdə güclənəcəyini ifadə edib.

 

Milli fəal bildirib ki, “biz oturub mərkəzçi qrupları gözləməməliyik ki, gəlib bizimlə danışsınlar. Təşəbbüskar olmalıyıq. Hər şeydən öncə də özümüzü o mərkəzçi təşkilatlarda önəmli mövqelərdə olan türklərə anlatmalıyıq.”

 

Məhsa Mehdilinin fikrincə, İran toplumundakı siyasi atmosfer, siyasi partiyaların həmçinin, media və ifadə azadlığının olmaması müxtəlif qruplar arasında dialoq zəmininin yaranmasına mane olub. O, bu vəziyyətin mərkəzi hakimiyyətin xeyrinə olduğunu qeyd edir.

 

“Mərkəzçi müxalifətin içində bir çox türk var. Hətta bir çox qrupun öndə gedənləri türklərdir. Bizdəndirlər. Azərbaycanlıdırlar. Biz nə yazıq ki, Güney Azərbaycan Milli Hərəkatı olaraq özümüzü o türklərə belə anlada bilməmişik. Hələ qalsın mərkəzçi qeyri-türk aktivistlərə,” deyə Mehdili dilə gətirir.

 

Onun söylədiklərinə görə, bu durumun səbəblərinin bir qismi İrandakı siyasi mühit və mərkəzçi qruplardan asılı olsa da, digər qismi milli hərəkat qüvvələrindən asılıdır:

“Səbəblərin bir qismi İrandakı o siyasi mədəniyyətdən asılıdır, dialoq mədəniyyətinin olmamasından. Bir qismi də mərkəzçi qrupların problemləri həmişə öz perspektivlərindən görmələri ilə bağlıdır. Amma səbəblərin bir qismi də bizdən asılıdır ki, dialoqun zərurəti və önəmi üstündə durulmayıb. Bu ciddi bir zəiflikdir.”

 

Məhsa Mehdili əlavə edir, “biz bağlı bir dairə içində qala bilmərik. İstər bu gün, istər sabah məcburuq həm mərkəzi hakimiyyətlə, həm də müxalif qruplarla danışaq. Yoxsa kənarda qalarıq. Biz hər hansı sistemə inansaq da, hər hansı idarə şəklini istəsək də, İranda yaşayan digər qruplar ilə əlaqədə olmalıyıq. Bu bizim gücümüzü göstərər.”

 

Onun fikrincə, milli hərəkat qüvvələri mərkəzçi qruplarn onlara gəlməsini gözləmək yerinə, özləri dialoq zəminini hazırlamalıdırlar.

 

“Bizim zehniyyətimiz elə olub ki, həmişə onlardan ummuşuq. Ümid etmişik ki, mərkəzçi media bizi gündəmə gətirsin, ilk addımı onlar atsın. Bizim bir sözümüz, bir ideyamız varsa, bunu fərqli qruplara anlatmaq üçün özümüzə inamımız olmalıdır. Bu bizdən başlamalıdır. Elə də onlardan gözləməməliyik. Bu ki, onlar bizi görmür, bir həqiqətdir. Amma bizim problemimiz onların problemi deyil. Biz onları başa salmalıyıq ki, əgər İranda problemlərin çözümünü istəyirsiniz, bizi görməlisiniz.”

 

Onun dediklərinə görə, milli hərəkat qüvvələri arasında mərkəzçi qruplar ilə dialoqu zəiflik əlaməti görənlər və bu istiqamətdə fəaliyyət göstərənlərə hücum edənlər də var.

 

“Bizim təşəbbüskar olmağımız, qabiliyyətlərimizin inkişaf etdiyini göstərər. Zəiflik əlaməti olmaz... Bunu ilk başda da, o mərkəzçi qruplardakı türklərlə irtibata geçərək başlamalıyıq,” Məhsa Mehdili əlavə edir.

 

O, bu istiqamətdə bəzi fərdi və kollektiv fəaliyyətlərin həyata keçirildiyini bildirir.

 

Audionu dinləmək üçün qaynağımız olan aşağıdakı Linkə müraciət edə bilərsiniz:

https://www.amerikaninsesi.org/a/mehsa-turk-dialoq/4153049.html

 

N.S

 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Milli fəalın xəstəxanaya köçürülməsinə icazə verilmir

2022-08-09

gun az article

Urmu gölü ilə bağlı son durum açıqlandı: Su həcmi ekoloji vəziyyətlə müqayisədə 88 faiz azalıb

2022-08-09

gun az article

Cəfər Pənahi müalicə olunmadan həbsxanaya qaytarılıb-"Ondan xəbər ala bilmirik"-Xanımı

2022-08-09

gun az article

“Parlaq gələcək”də müzakirə: “İran terrorçuluğunda yeni gəlişmələr” və “Şuubiyyə, Məhərrəmlik və pan-İranizmin tavrları”- VİDEO

2022-08-09

gun az article

Türkiyədə "İranda türkcə yer adları" kitabı nəşr edilib

2022-08-09

gun az article

Əhərdə işsizlərin sayı artıb

2022-08-09

gun az article

Güney Azərbaycan təşkilatları İranın anti-Azərbaycan siyasəti ilə bağlı bəyanat yayıb

2022-08-08

gun az article

Güneyli fəaldan Urmu gölü ilə bağlı maraqlı aksiya-VİDEO

2022-08-08

gun az article

"Yarpaq" ekoloji cəmiyyəti Xoyda aksiya keçirib-FOTO

2022-08-08

gun az article

Təbrizdə SEPAH və "Bəsic" üzvləri Azərbaycan konsulluğunun binasına dini bayraq asıblar

2022-08-08

gun az article

"İran-Rusiya əlaqələrinin inkişafı sanksiyaların təsirinin azalmasına səbəb olub"-Millət vəkili

2022-08-08

gun az article

Azadlıq səsi: “Güney Azərbaycan azadlıq hərəkatının terror təşkilatlarına mövqeyi”-VİDEO

2022-08-08

gun az article

“Düşünməyə çağırış” proqramında müzakirə: “İranın Quzey Azərbaycanı qarışdırma siyasəti”- VİDEO

2022-08-08

gun az article

Ərdəbilin parça fabrikində yüzlərlə işçinin əmək haqqı ödənilmir

2022-08-08

gun az article

Salmas zindanında məhbuslar ağır durumda saxlanılır

2022-08-08

gun az article

Təbrizdə Urmu gölü ilə bağlı afişalar yayılıb

2022-08-08

gun az article

Güneyli məhbus rejissor Cəfər Pənahi koronovirusa yoluxub

2022-08-08

gun az article

Güneyli fəal müvəqqəti azadlığa buraxılıb

2022-08-06

gun az article

“Yasir əl-Həbib Qasım Süleymaninin adamlarındandır”-Əhməd Obalı-VİDEO

2022-08-06

gun az article

Ərdəbilli təqaüdçülər etiraz aksiyası keçiriblər

2022-08-06