Şərqi Azərbaycan əyalətinin Mərənd vilayətində yerləşən su bəndində balıqların kütləvi şəkildə tələf olması ilə bağlı yeni videolar yayılıb.
Gunaz.tv
Vəhid F. adlı sosial şəbəkə istifadəçisi tərəfindən yayılan videoda Mərəndin Anamaq kəndindin yaxınlığındakı su bəndində minlərlə balığın acınacaqlı şəkildə tələf olduğu göstərilir.
Ötən günlərdə ictimai şəbəkələrdə minlərlə balığın bəndin arxasındakı palçıqlı və dayaz suda qalaraq can verməsini əks etdirən video-görüntülər paylaşılmışdı.
Hadisədən bir həftə keçməsinə baxmayaraq Şərqi Azərbaycan əyalətinin Ətraf Mühitin Mühafizəsi idarəsinin məsulları məsələyə münasibət bildirməyib.
Mərənd vilayətinin Kənd Təsərrüfatı idarəsinin direktoru Əli Səyyadi isə bəndin arxasındakı suyun qeyri-qanuni şəkildə su maşınları vasitəsilə boşaldılaraq satış üçün aparıldığını iddia edərək bunun nəticəsində 5-6 min balığın tələf olduğunu bildirib.
Ü.F
