"AMİA partlayışı İranın terrora dəstəyinin bariz nümunəsidir"-Amerika Dövlət Departamenti bəyanat yaydı

SON XƏBƏRLƏR

"AMİA partlayışı İranın terrora dəstəyinin bariz nümunəsidir"-Amerika Dövlət Departamenti bəyanat yaydı

2022.07.19, 08:32

Gunaz.tv

Amerika bu hadisəni "son yarım əsrdə ən qanlı antisemit hücumu" kimi xatırlayıb və qurbanların xatirəsini ehtiramla yad edib.

Bunu həyata keçirən Hizbullah və İranın dağıdıcı fəaliyyətlərinə qarşı mübarizənin vacibliyini vurğulayıb.

Amerika Dövlət Departamenti bəyanatda Amiya binasının partladılmasını "Hizbullah"ın qlobal ambisiyalarının əlaməti və İranın beynəlxalq terrorizmə dəstəyinin bariz nümunəsi adlandırıb.

Vaşinqtonun fikrincə, İran maliyyə ayırmaq, təlim vermək, silah-sursat və başqa vasitələrlə mürəkkəb və iyrənc terror hücumlarını dəstəkləyib.

Amerika öz bəyanatında İran İslam Respublikasının yüksək rütbəli rəsmilərinin Buenos-Ayres hücumunda birbaşa iştirak etdiyini və onun həyata keçirilməsini "Hizbullah"a həvalə edildyini vurğulayıb.

Bu hücuma görə məsuliyyət daşıyan şəxslərdən heç biri hələ də məhkəmə qarşısına çıxarılmadığını qeyd edib.

Xatırladaq ki, 18 iyul 1994-cü ildə Argentinanın paytaxtında İrana bağlı terrorçular Yəhudilərin Yardımlaşma Mərkəzi binasına bomba qoyaraq 85 yəhudinin ölümünə, 300-dən çox yəhudinin yaralanmasına səbəb olublar.

Hal-hazırda Argentinada 230 min yəhudinin yaşadığı, bu ölkənin İsraildən qıraqda yəhudilərin ən çox yerləşdiyi 6-cı ölkə olduğuna görə, onlar daima İranın terror hədəflərindən biri olublar.

Cavidan