Amerikada yaşayan soydaşlarımız Vaşintqonda Ukraynaya dəstək aksiyası keçirib-FOTOLAR

SON XƏBƏRLƏR

Amerikada yaşayan soydaşlarımız Vaşintqonda Ukraynaya dəstək aksiyası keçirib-FOTOLAR

2022.02.27, 04:04

Gunaz.tv

Bu barədə ABŞ-da yaşayan diaspora fəalı Zaur Bayramlı məlumat verib. Onun sözlərinə görə, onlar Amerikada yaşayan azərbaycanlılara adından Rusiyanın təcavüzünə məruz qalmış Ukraynaya öz dəstəklərini ifadə ediblər.

“Aksiyada Güney və Quzey Azərbaycandan, Türkiyədən və Qazaxıstandan olan soydaşlarımız iştirak edirdi.

Aksiya iştirakçılarının Ukraynanın ABŞ-dakı səfirliyinin 3 rəsmi təmsilçisi: Ukrayna səfirliyinin baş konsulu Konstantin Vorona, səfirliyin siyasət və mədəniyyət üzrə 1-ci katibi Taras Moskalenko və səfirliyinin mətbuat atteşesi Vladimir Rizniçenko qarşılayıb.

Ukrayna səfirliyinin nümayəndələri aksiya iştirakçılarına verdikləri mənəvi dəstəyə görə təşəkkür ediblər. Çox səmimi söhbət etdik, xatirə şəkli çəkdirdik”.

Zaur Bayramlı deyib ki, Ukrayna nümayəndələri Azərbaycan və Türkiyə prezidentlərinə verdikləri dəstəyə görə ayrıca təşəkkür ediblər.