Möhsün İsməili tanınmış milli-mədəni fəal Abbas Lisani haqda çıxarılan ağır məhkəmə hökmü barədə bunları deyib - MÜSAHİBƏ

13.07.2019, 11:42

GünAz TV: Ərdəbil sakini olan güney azərbaycanlı fəal “Amerikanın səsi”nə verdiyi müsahibədə tanınmış milli-mədəni fəal Abbas Lisaninin məhkəmə işi və barəsində çıxarılan ağır həbs və sürgün hökmü barədə ətraflı məlumat verib.

 

Müsahibə olduğu kimi təqdim olunur:

“Yanvar ayından bəri aydan aya uzadılan nəzarət qərarı ilə Ərdəbil həbsxanasında saxlanılan tanınmış siyasi fəal Abbas Lisani İnqilab Məhkəməsi tərəfindən 8 il həbs və İranın mərkəzində yerləşən Yəzd vilayətinə 2 il sürgün cəzasına məhkum olunub.

Ərdəbildən “Amerikanın Səsi”nə danışan türk fəal Möhsin İsmailinin söylədiklərinə görə, Abbas Lisani ona oxunan 3 ittihamdan bəraət qazanıb, lakin son mərhələdə qanunsuz bir şəkildə irəli sürülünən yeni bir ittihamla qarşılaşıb.

 “Abbas Lisaniyə prokurorluqda üç ittiham oxunmuşdu. O, həmin üç ittihamla sorğu-sual olundu və dörd sessiyada davam edən məhkəmə prosesində də həmin ittihamlarla mühakimə olundu,” İsmaili bildirir.

Lisani keçən təqribən 8 ay ərzində dəfələrlə Təbriz və Ərdəbil məhkəmə qurumları tərəfindən qanunsuzluğa məruz qaldığını önə çəkərək etiraz bildirib. Təbriz məhkəməsi onun şikayətlərindən birini qəbul etsə də, şikayətin mövzusu olan hökmü təkrar qüvvəyə qoymuşdu.

O, keçən yanvar ayında nəzarət altına alındıqdan sonra üç ittihamla qarşılaşmışdı.

Möhsin İsmailinin sözlərinə əsasən, Lisaniyə oxunan ittihamlar “Qərbi Azərbaycan vilayətində türk icmasını təhrik etmək”, “GAMAC adında qruplaşmanı təşkil və idarə edib və ona üzv olmaq” və “rejimə qarşı təbliğat fəaliyyəti” göstərməkdən ibarət idi.

Hər üç ittihamdan bəraət qazanan Lisani son mərhələdə “ölkənin təhlükəsizliyini pozmaq”-da günahlandırılaraq sürgün və həbsə məhkum olunub.

İsmailinin dediklərinə görə, “dörd mərhələ davam edən məhkəmənin sonunda Abbas bəyə bu üç ittihamdan bəraət verdilər. Amma, ən sonda, tamamilə qanunsuz bir şəkildə bir ittiham irəli sürdülər ki, nə dosyedə var idi, nə də məhkəmədə. Heç bir mərhələdə yox idi. Birdən gətirib doseyə dərc etdilər və hökm verdilər.”

Möhsin İsmaili əlavə edir, “o üç ittiham Abbas bəyin 25 ildən artıq fəaliyyətləri ilə bağlı idi. Min səhifədən artıq dosye yaratdılar bu fəaliyyətlərdən. Onu bunlarla məhkum etmək istəyirdilər. Abbas bəy gəldi müdafiəsini etdi. Belə idi ki, bütün bu fəaliyyətlər üzündən ona qarşı [daha əvvəl] ittihamlar irəli sürülmüşdü. O, bu ittihamlarla mühakimə olunmuş, ya bəraət qazanıb ya da cəzasını çəkmişdi.”

Türk fəal hesab edir ki, ilk başdan məhkəmə qurumunun əsas məqsədi hər hansı şəkildə olsa, Abbas Lisanini həbsə məhkum etmək olub.

“İlk üç ittihamdan bir dosye yarada bilmədiklərini gördülər. Bir şey tapa bilməyib, yeni bir ittiham ortaya qoydular ki hər halda Abbas Lisaniyə o əziyyəti tətbiq etsinlər,” deyə Möhsin İsmaili ifadə edir.”

 

Audionu dinləmək üçün qaynağımız olan aşağıdakı LİNK-i izləyə bilərsiniz:

https://www.amerikaninsesi.org/a/b%C3%BCt%C3%BCn-ittihamlardan-b%C9%99ra%C9%99t-alan-abbas-lisaniy%C9%99-h%C9%99bs-v%C9%99-s%C3%BCrg%C3%BCn-c%C9%99zas%C4%B1-verdil%C9%99r-/4994063.html

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Siyasi məhbus Abbas Lisaninin həbsindən 3 il ötür

2022-01-16

gun az article

Qərbi Azərbaycanda güclü qar yağdı, 182 kəndin yolları bağlandı- 3 nəfər itkin düşüb

2022-01-15

gun az article

Xoyda siyasi məhbus Əkbər Nəimiyə dəstək aksiyası keçirilib- FOTOLAR

2022-01-15

gun az article

Zənganın nümayəndəsi çörəyin kuponla satışına etiraz edib

2022-01-15

gun az article

Urmunun qədim hissəsində əksər tikililər qəzalı vəziyyətdədir-Başçıdan xəbərdarlıq

2022-01-15

gun az article

Zənganın qiymətli mədəni irsi qorunmur: "Bu sahəyə diqqət ayrılsa, turizmin inkişafı sürətlənəcək"

2022-01-15

gun az article

Məlikanda tarixi əşya qaçaqmalçıları saxlanılıb

2022-01-15

gun az article

Ərdəbil əyalətində su xəttləri və kanalizasiya sistemi bərbad durumdadır

2022-01-15

gun az article

Heyran gədiyinin Ərdəbilə birləşdirilməsi tələb edilir: İmza kampaniyası başladı

2022-01-15

gun az article

Xiyavda məşhur tarixi abidələr özəl sektorun istifadəsinə verilib

2022-01-15

gun az article

Təbriz-Urmu avtomagistralının tikintisi dayandırılıb

2022-01-15

gun az article

Güney Azərbaycan əyalətlərində məktəblər bağlanıb

2022-01-15

gun az article

Kirmanlılar Mis Şirkətinin “Traxtur”a maliyyə dəstəyi verilməsinə qarşı çıxır

2022-01-14

gun az article

Təbrizli milli fəal Kərim Boksor mülki geyimli şəxslərin hücumuna məruz qalıb

2022-01-14

gun az article

Təbrizdə "Koroğlu" tamaşası nümayiş etdiriləcək

2022-01-14

gun az article

Urmuda avtobus sürücüləri yenidən aksiya keçirib

2022-01-14

gun az article

Güclü qar Xoyda həyatı iflic etdi: Onlarla kəndin yolu bağlanıb

2022-01-14

gun az article

Güneyli yazıçı Qulamhüseyn Saidinin doğum günüdür

2022-01-14

gun az article

Marağada Beynəlxalq Sərgi Salonunun tikintisinə vəsait ayrılmır

2022-01-14

gun az article

Azərbaycan musiqisi festivallara buraxılmır- Təbrizli sənətçi "Tehran mafiyası"nı suçlandırdı

2022-01-14