SON XƏBƏRLƏR

Morqan Ortaqus: “İran rejimi “Sepah”ın vurduğu Ukrayna təyyarəsinin qara qutularını təhvil verməlidir”

2021.10.20, 07:36
Morqan Ortaqus: “İran rejimi “Sepah”ın vurduğu Ukrayna təyyarəsinin qara qutularını təhvil verməlidir”

Gunaz.tv

GünazTV: ABŞ Dövlət Departamentinin sözçüsü Morqan Ortaqus aprelin 17-də “Twitter” səhifəsində paylaşdığı bir yazıda “Sepah” terror təşkilatının üç ay yarım əvvəl Tehranda vurduğu Ukrayna sərnişin təyyarəsinin qara qutularının təhvil verilməsini tələb edib.

 

Paylaşdığı yazıda Ortaqus bildirib ki, İran rejimi “Sepah”ın vurduğu Ukrayna təyyarəsinin qara qutularını bundan artıq gecikdirmədən təhvil verməlidir: “İran İnqilab Keşikçiləri Korpusu “Sepah”, 100 gün əvvəl Ukraynanın sərnişin təyyarəsini hədəfə alaraq vurdu və bununla da 176 sərnişin və təyyarə ekipajını qətlə yetirdi.

 

Biz hadisə qurbanlarının ailələrinə səmim-qəlbdən başsağlığı verir, İran rejimindən təyyarənin qara qutularını oxunması üçün təhvil verməsini tələb edirik. Hesab edirik ki, İran rejimi sakit bir mühitdə yas saxlamaq hüququna malik olan hadisə qurbanlarının ailələrini bundan artıq incitməkdən əl çəkməlidir” -deyə, ABŞ Dövlət Departamentinin sözçüsü Morqan Ortaqus “Twitter”də paylaşdığı yazısında bəyan edib.

 

 

Xatırladaq ki, “Sepah” terror təşkilatının yanvarın 8-də Tehranın Beynəlxalq Hava Limanı yaxınlığında iki raketlə Ukraynaya məxsus Boeing 752 təyyarəsini vurub. Hadisə nəticəsində təyyarənin ekipaj heyəti ilə birlikdə 176 günahsız sərnişin həyatını itirib.

 

 A.M

 

SEÇİLMİŞ XƏBƏRLƏR

Çox oxunanlar