Böyük Tehran Həbsxanasının (Fəşafuyə) digər 8 keçmiş məhbusu ilə birlikdə Azərbaycan Milli Hərəkatının fəalı Əlirza Fərşi, Tehran əyalətinin Apellyasiya Məhkəməsinin 78-ci Şöbəsinin qərarı ilə irəli sürülən ittihamlardan bəraət alıb.
Qərarda Əlirza Fərşi və başqa 8 məhbusa qarşı irəli sürülən ittihamların sübutu üçün yetərli dəlillərin olmamasından onların barəsində yeni ittihamların əsassız sayıldığı bildirilib.
Xatırladaq ki, bundan öncə Güney Azərbaycan Milli Hərəkatının fəalı Əlirza Fərşi "Böyük Tehran" zindanının başqa 8 keçmiş məhbusu ilə birlikdə 11 ay 15 gün həbs və 50 şallaq zərbəsinə məhkum edilmişdi.
Əlirza Fərşi və onunla eyni bölmədə saxlanılan başqa siyasi məhbuslar 2021-ci il sentyabrın 28-də ağır cinayətlərdə ittiham olunan təhlükəli məhkumlar tərəfindən hücuma məruz qalmışdı.
İnsidentdən sonra siyasi məhbuslar aldıqları bədən xəsarətlərinə görə zindanın tibb məntəqəsinə, oradan isə dini mərasimlərin keçirildiyi bölməyə, daha sonra isə 9-cu palataya köçürülmüşdülər.
Qeyd edək ki, Əlirza Fərşi 2014-cü ilin iyul ayının 21-də Tehran şəhərində beynəlxalq ana dili günü mərasimində iştirak etdiyi üçün digər milli fəallar ilə birlikdə İranın təhlükəsizlik qüvvələri tərəfindən nəzarətə alınıb, neçə gün saxlanıldıqdan sonra müvəqqəti olaraq məhkəmə iclasına qədər sərbəst buraxılmışdı.
"İranın milli təhlükəsizliyini pozmaq qəsdi ilə qruplaşmada iştirak etmək" ittihamı ilə 2 il həbs və 2 il sürgünə edilib, 2020-ci ilin iyul ayının 21-də bu milli fəal yaxalanıb və iki illik həbs cəzasını çəkmək üçün Tehran şəhərinin Evin həbsxanasına köçürülüb.
Timur
