SON XƏBƏRLƏR

Nalbandyan: "Türkiyə ilə imzalanmış protokolları ləğv edəcəyik"

2021.10.20, 07:36
Nalbandyan: "Türkiyə ilə imzalanmış protokolları ləğv edəcəyik"

Gunaz.tv

GünAz TV: "2018-ci ilin baharını Ermənistan-Türkiyə protokolları olmadan qarşılayacağıq".

 

APA-nın "news.am" saytına istinadən verdiyi xəbərə görə, bu sözləri Yunanıstanda səfərdə olan Ermənistanın xarici işlər naziri Edvard Nalbandyan öz çıxışında deyib.

 

"Əminəm ki, bizim Türkiyə ilə münasibətlərə yanaşmamız sizləri maraqlandırır. Bilirsiniz ki, Ermənistan prezidentinin təşəbbüsü ilə Türkiyə ilə başlanan normallaşma prosesi 2009-cu ilin oktyabrında Sürihdə protokolların imzalanmasına səbəb oldu. Lakin indiyə qədər bu protokollar ratifikasiya olunmayıb, çünki Türkiyə protokolların ruhuna və mətninə zidd əsassız şərtlər irəli sürdü. Bu sənədlər daimi girov kimi qala bilməz, ona görə də Ermənistan prezidenti sentyabrda Birləşmiş Millətlər Təşkilatı (BMT) Baş Assambleyasının tribunasından bildirdi ki, Ermənistan protokolları ləğv edəcək, çünki onların həyata keçirilməsində tərəqqi yoxdur", - deyə E. Nalbandyan söyləyib.

 

N.S

SEÇİLMİŞ XƏBƏRLƏR

Çox oxunanlar