Təhsil İdarəsinin qarşısında toplaşan müəllimlər və təqaüdçü təhsil işçiləri yeni tədris ilinin başlamasından 10 gün keçməsinə baxmayaraq, sıralama və maaşların uyğunlaşdırılması planının yerinə yetirilməməsinə öz etirazlarını bildiriblər.
Bundan öncə sentyabrın 23-də İran Təhsil İşçiləri Dərnəkləri Koordinasiya Şurasının çağırışından sonra İranın müxtəlif şəhərlərində, o cümlədən Güney Azərbaycanın Həmədan, Zəncan, Ərdəbil və Təbriz şəhərlərində də, müəllimlər Təhsil Nazirliyinin yerli nümayəndəlikləri qarşısına toplaşıblar.
İran Təhsil İşçiləri Dərnəkləri Koordinasiya Şurasının çağırışında bildirilib ki, etiraz aksiyalarının keçirilməsində məqsəd məhbus müəllimlərin azad edilməsi, müəllimlərin barəsində sıralama və rütbələndirmə qanununun icra olunması, təqaüdlərin bərabərləşdirilməsidir.
Bundan başqa qurum müəllimlər və şagirdlərin mobil telefonla təmin olunmasını, hər şagird üçün bir partanın ayrılmasını, şagirdlərin günlük olaraq maska və dezinfeksiya maddəsi ilə təmin edilməsini tələb ediblər.
C.E
