"Biz İranın cəsur vətəndaşlarının yanındayıq"-Co Bayden Kaliforniyada iranlıların aksiyasına qatılıb

SON XƏBƏRLƏR

"Biz İranın cəsur vətəndaşlarının yanındayıq"-Co Bayden Kaliforniyada iranlıların aksiyasına qatılıb

2022.10.15, 07:03

Gunaz.tv

"Orada "Azad İran" plakatını görürəm. Bilmənizi istəyirəm ki, biz həqiqətən də İranın cəsur vətəndaşları və qadınlarının yanındayıq”,-deyə, Co Bayden iranlılara səslənib.

Bayden iranlıların indi onlar öz elementar hüquqlarını qorumaq üçün etiraz aksiyası keçirdiklərini deyib.

"Qadın və ya kişilərin hüquqlarına hörmət edilməlidir və onların söz və sərbəst toplaşmaq hüququ vardır.

Dünyanın hər yerində qadınlar bir çox cəhətdən təcavüzə məruz qalırlar, lakin qadınlar istədiklərini geyinə bilməlidirlər. Heç kim onlara nə geyinəcəyini deməməlidir",- deyə, Amerika prezidenti İran hökumətinin məcburi hicab qaydaları tətbiq etməsini pisləyib.

İran hökumətinin öz vətəndaşlarına qarşı zorakılığa son qoymalı olduğunu, onlar öz əsas hüquqlarını əldə edə bilmək imkanı verilməsinin vacibliyini deyən prezident, Məhsa Əmininin ölümündən sarsıldığını və İran xalqlarının oyanışının, etirazının sakitləşməyəcəyini söyləyib.

"Buna görə də bir araya gəldiyiniz üçün hamınıza təşəkkür etmək istəyirəm. Mən İran ictimaiyyətinə bu qədər səsini qaldırdığı üçündə təşəkkür edir və davam etməyinizi istəyirəm.Bu mühüm məsələdir",- deyə, Co Bayden çıxışını bitirib.

Cavidan