Pompeo: "İran kosmosa göndərdiyi hərbi peykə görə cavab verməlidir"

23.04.2020, 09:36

GünAz TV: Amerika Birləşmiş Ştatlarının Dövlət Departamentinin rəhbəri Mayk Pompeo ötən gün "Sepah" terror təşkilatının kosmosa göndərdiyi hərbi peyk məsələsinə münasibət bildirib.

 

O qeyd edib ki, İran Birləşmiş Millətlər Təşkilatının Təhlükəsizlik Şurasının 2231 saylı qətnaməsinin pozulması hesab edilən bu addıma görə cavabdeh olmalıdır.

 

"Mənim fikrimə görə, İran atdığı addıma görə cavab verməlidir. Bu gün (22 aprel-red.) Birləşmiş Ştatların terror təşkilatı kimi tanıdığı təşkilatlardan biri kosmosa peyk göndərib", - deyə Pompeo əlavə edib.

 

Dövlət Departamentinin rəhbərinin sözlərinə görə, hər bir ölkə TŞ-ya gedib, rəsmi Tehranın bu addımının 2231 saylı qətnaməni pozub- pozmadığını araşdırmalıdır.

 

Xatırladaq ki, "Sepah" ötən gün yaydığı məlumatda kosmosa "Qasid" adlı raket daşıyan vasitəsilə göndərdiyi "Nur" hərbi peykinin yerin Orbitinin 425 kilometrliyində qərarlaşdığını bəyan etmişdi. Bu xəbər dünya ictimaiyyətinin dərin narahatlığı ilə qarşılanıb.

 

ABŞ Müdafiə Nazirliyi- Pentaqon da məsələyə bildirdiyi münasibətdə bu xəbis addımın region ölkələrinin təhlükəsizliyini təhdid etdiyini bəyan edib.

 

Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social