SON XƏBƏRLƏR

Pompeo: “Xamneyi üçün Holokostu inkar etmək adi bir məsələdir”

2021.10.20, 07:36
Pompeo: “Xamneyi üçün Holokostu inkar etmək adi bir məsələdir”

Gunaz.tv

GünazTV: ABŞ-ın dövlət katibi Mayk Pompeo dekabrın 18-də “Twitter” səhifəsində yaydığı bir yazıda İranın “dini” lideri axund Əli Xamneyinin məşhur fransız yazar və filosofu Roger Garaudinin vaxtilə Holokostu şübhə altına aldığı üçün mühakimə olunmasını xatırladan bir tvitinə reaksiya verib.

 

Pompeo paylaşdığı yazıda bildirib ki, Holokostu inkar etmək Əli Xamneyi üçün adi bir məsələdir: “Zərrəcə insafı, qanacağı və mərifəti olan hər bir insan üçün 6 milyon yəhudinin və 11 milyon günahsız insanın qətliamı ilə nəticələnən Xolokostu inkar etmək fikri və təsəvvürü belə əzabvericidir. Lakin bu Xamneyi üçün adi bir məsələdir” –deyə, ABŞ-ın dövlət katibi Mayk Pompeo “Twitter”də yaydığı yazısında bəyan edib.

 

Dekabrın 16-da Əli Xamneyinin “Twitter” səhifəsində bunlar  yazılmışdı: “Vaxtilə fransız filosofu Roger Garaudy öz kitabında Holokost qurbanlarının sayını şübhə altına almışdı. Nəticədə Fransa hökuməti nəinki onun bu kitabının yayılmasına qadağa qoydu, hətta Garaudinin özünü də mühakimə etdilər. Bax, söz və ifadə azadlığını müdafiə etmək iddiasında olanlar bunlardır” –deyə, Əli Xamneyinin tvitində bildirilib.

 

Məşhur fransız yazar və filosof Roger Garaudy (1913-2012

 

Xatırladaq ki, Fransanın məşhur yazar və filosofu Roger Garaudy (1913-2012) kitablarından birində Holokost cərəyanında 6 milyon yəhudinin qətliam edilməsini “nağıl” adlandırıb. Bu isə Fransanın Xolokostu inkarla bağlı qanununu pozmaq demək idi. Nəticədə yazar mühakimə olundu. Belə ki, Fransa məhkəməsi yazarın kitabına qadağa qoyaraq, onu 240 min frank cərimə ödəməyə və bir neçə il şərti həbsə məhkum etdi.

 

A.M

SEÇİLMİŞ XƏBƏRLƏR

Çox oxunanlar