Prezident İlham Əliyev: "Türkiyə ilə münasibətimizin böyük tarixi və daha da parlaq gələcəyi var"

2020-10-24 11:07

“Türkiyə və Azərbaycan qardaş ölkələrdir və bizim qardaşlığımız bir çox vəziyyətlərdə sınaqdan keçib”.

Gunaz.tv Quote | Gunaz article

APA-nın xəbərinə görə, bunu Azərbaycan Respublikasının Prezidenti İlham Əliyev Fransanın “Figaro” qəzetinə müsahibəsində deyib. 


Dövlət başçısı bildirib ki, bu konkret məsələdə Türkiyə Prezidenti Azərbaycana güclü dəstəyini açıq şəkildə ifadə edib: “O dedi ki, Azərbaycan tək deyil, Türkiyə onun yanındadır. Beləliklə, bu, çox güclü siyasi dəstəkdir və biz buna görə çox minnətdarıq. Bu, birincisi. İkincisi, demək istəyirəm ki, biz döyüş meydanında nə ediriksə özümüz edirik. Bəli, müasir silahlarla, müasir avadanlıqla, lakin Vətənimizi azad edən Azərbaycan əsgərləri və zabitləridir. Bizim Türkiyə ilə münasibətimizin böyük tarixi və daha da parlaq gələcəyi var. Zənnimcə, Türkiyənin Cənubi Qafqazın hər üç ölkəsi - Azərbaycan, Gürcüstan və Ermənistanla sərhədi olan dünyada yeganə ölkə kimi bu prosesə cəlb edilmək üçün legitim hüququ var. Çünki qonşu olaraq, region üçün sabitliyi, təhlükəsizliyi təmin edə bilən və təmin edən, gündəliyi çox aydın ölkə olaraq o, beynəlxalq hüququ müdafiə edir. Beynəlxalq hüquq deyir ki, bizim ərazilərimiz işğal altındadır. Beləliklə, o, nəyi səhv edir? O, sadəcə olaraq, beynəlxalq hüququn təmin olunmasını tələb edir. Ermənistan bunu etmək istəmir. Ermənistan Livandan erməniləri qanunsuz köçürməklə, azərbaycanlılara qarşı hərbi əməliyyatlarla, bizim tarixi və dini irsimizi dağıtmaqla 30 ildən çoxdur ki, torpaqlarımızı işğal altında saxlamaq istəyir. Türkiyənin rolu çox müsbətdir. Ermənistanla müharibə dayanandan və siyasi nizamlama həyata keçiriləndən sonra əminəm ki, Türkiyənin rolu çox mühüm və müsbət olacaq”.


Prezident İlham Əliyev “Beləliklə, Siz düşünmürsünüz ki, Türkiyənin Mərkəzi Asiyanın türk xalqları ilə birbaşa əlaqəyə sahib olmaq üçün Ermənistanı silmək planı var?” sualının cavabında qeyd edib ki, bu, yenə də erməni fobiyaları və erməni təxribatlarıdır: “Mənim Paşinyan hakimiyyətə gəlməzdən əvvəl Ermənistan liderləri ilə müzakirə etdiyim sülhməramlı planda kommunikasiyalara açıq-aydın istinad var idi. Sülh sazişi imzalanandan sonra bütün kommunikasiyalar açılır, o cümlədən Azərbaycanın Naxçıvan Muxtar Respublikası ilə Azərbaycanın əsas hissəsi arasında. Beləliklə, Türkiyənin, Azərbaycanın və Mərkəzi Asiyanın quru əlaqəsi olacaq. Bu gün bizdə bu, yoxdur. Lakin Türkiyənin həmin regionla Azərbaycan vasitəsilə əlaqəsi var. Biz bir neçə il bundan əvvəl Bakı-Tbilisi-Qars dəmir yolunu tikdik. Beləliklə, Türkiyə malları Gürcüstan, Azərbaycan və Xəzər dənizi vasitəsilə Mərkəzi Asiyaya və əks istiqamətdə daşınır. Lakin Türkiyədən Naxçıvana, Ermənistana, Azərbaycana yol daha qısadır. Ona görə də məsələ onda deyil ki, Türkiyənin belə əlaqəsi yoxdur və dediyiniz kimi, kimsə fikirləşir ki, onlar buna sahib olmaq üçün Ermənistanı silmək istəyirlər. Onlar buna sahibdirlər, biz buna sahibik. Biz daha birinə sahib olacağıq. Lakin bu, yenə də sülh planının bir hissəsidir, bütün kommunikasiyalar açılacaq. Düşünürəm ki, Ermənistan hökuməti əhalini Türkiyə ilə qorxutmağa çalışmamalı, türk və Azərbaycan xalqlarına qarşı nifrəti dayandırmalıdır”.


Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Azərbaycanda son sutkada 2187 nəfər COVID-19-a yoluxub, 634 nəfər sağalıb, 29 nəfər vəfat edib

2020-11-23

gun az article

Nazirlik Qarabağ müharibəsi şəhidinin tikintisi yarımçıq qalmış evinin inşasını başa çatdıracaq

2020-11-23

gun az article

FHN-in Dövlət Yanğın Nəzarəti Xidmətinin yerli strukturları işğaldan azad olunmuş ərazilərdə fəaliyyətə başlayıb

2020-11-23

gun az article

Azərbaycan Prezidentinin köməkçisi: “Füzuli yenidən qurulacaq, inkişaf etmiş regionlarımızdan birinə çevriləcək”

2020-11-23

gun az article

Polşanın Azərbaycandakı səfiri: “Füzulidəki bu acınacaqlı vəziyyət beynəlxalq ictimaiyyətə çatdırılmalıdır”

2020-11-23

gun az article

İstefa verən İran səhiyyə nazirinin müavini Xaməneyiyə qarşı çıxmaqda və İsrail agenti olmaqda günahlandırıldı

2020-11-22

gun az article

XİN Lavrovun Ermənistandakı görüşlərində Rusiya bayrağının olmamasına aydınlıq gətirib

2020-11-21

gun az article

28 illik işğaldan azad olan Ağdamın görüntüləri - FOTO

2020-11-21

gun az article

Almaniyada iki COVID xəstəsini bilərəkdən öldürən həkim saxlanılıb

2020-11-21

gun az article

Azərbaycanda son sutkada 3169 nəfər COVID-19-a yoluxub, 1404 nəfər sağalıb, 26 nəfər vəfat edib

2020-11-20

gun az article

Baş Prokurorluq: Semyon Peqovun cinayətləri ilə bağlı Rusiyaya müraciət edilib

2020-11-20

gun az article

Azərbaycan son 16 ildə Türk Şurasının üzv ölkələrinə 18 mlrd. dollardan çox investisiya yatırıb

2020-11-20

gun az article

Ermənistan MN-in sözçüsü Şuşan Stepanyan işdən çıxıb

2020-11-20

gun az article

"Kömək et, Çin zindanındayam"- Çindən ixrac edilən ayaqqabıya tikilmiş kağızda yazılmış cümlə

2020-11-20

gun az article

“Vətən Müharibəsi Qəhrəmanı” adı təsis edilir

2020-11-20

gun az article

Bakıda Fransa səfirliyinin qarşısında piket keçirilib- FOTO

2020-11-20

gun az article

Prezident: "Xalqımızın, ölkəmizin yeni, şanlı tarixini yazırıq"

2020-11-20

gun az article

Prezident İlham Əliyev: “Düşmənin başını elə əzdik ki, onu əbədi yadda saxlayacaq”

2020-11-20

gun az article

Dövlət başçısı: “Bundan sonra bölgədə Azərbaycanın təsir imkanları genişlənəcək”

2020-11-20

gun az article

Azərbaycan Prezidenti: “Müstəqil ölkə kimi yaşaya bilmirsən, endir o bayrağı dirəkdən, bük, qoy cibinə, get başqa ölkənin tərkibində yaşa”

2020-11-20