Putin yeni kabinetin tərkibini açıqlayıb

2008-05-12 18:23

Putin yeni kabinetin tərkibini açıqlayıb Araz Rusiyanın baş naziri Vladimir Putin hökumətin yeni strukturunu elan edib. Dəiyşiklərə uyğun olaraq baş nazirin müavinlərin sayı beşdən yeddiyə qədər artıb. Qeyd edək ki, yeni kabinetdə əsas vəzifələri preziden

Gunaz.tv

Putin yeni kabinetin tərkibini açıqlayıb Araz Rusiyanın baş naziri Vladimir Putin hökumətin yeni strukturunu elan edib. Dəiyşiklərə uyğun olaraq baş nazirin müavinlərin sayı beşdən yeddiyə qədər artıb. Qeyd edək ki, yeni kabinetdə əsas vəzifələri prezident administrasiyasının keçmiş rəhbərləri tutublar. Belə ki, prezidentin keçmiş köməkçisi İqor Şuvalov keçmiş baş nazir Viktor Zubkovla birlikdə baş nazirin müavini olub, prezident administrasiyasının keçmiş rəhbəri Sergey Sobyanin isə Nazirlər Kabineti aparatının sədri və eyni zamanda baş nazirin müavini olub. Prezident administrasiyasının rəhbərinin müavini İqor Seçin isə baş nazirin sənaye məsələləri üzrə müavini vəzifəsinə təyin olunub. Baş nazirin müavini Aleksandr Jukov və maliyyə naziri Aleksey Kudrin öz vəzifələrini qoruyub saxlayıblar. Putinin sözlərinə görə, Jukov milli layihələrin icrasına nəzarət edəcək. Sergey İvanov isə baş nazirin birinci müavini postunu itirib və baş nazirin "sadə" müavini vəzifəsini tutub. Bundan əlavə, təhsil və elm naziri Andrey Fursenko, kənd təsərrüfatı naziri Aleksey Qordeyev, regional inkişaf naziri Dmitriy Kozak, təbii ehtiyatlar naziri Yuri Trutnev, nəqliyyat naziri İqor Levitin də öz vəzifələrini qoruyub saxlaya biliblər. Elvira Nabiullina isə yeni kabinetdə də iqtisadi inkişaf naziri postuna sahib çıxıb. Putinin kabinetində yeni simalar da vardır. Prezidentin Povoljye üzrə daimi nümayəndəsi olmuş Aleksandr Konovalov ədliyyə naziri olub. Prezidentin protokolunun keçmiş rəhbəri İqor Şeqolyov isə bundan sonra rabitə və kütləvi kommuniykasiyalar naziri postunu tutacaq. Yeni kabinetdə mədəniyyət nazirliyinə Fransadakı keçmiş səfir Viktor Avdeyev rəhbərlik edəcək. Keçmiş sənaye və energetika naziri Viktor Xristenko isə bundan sonra ticarət sahəsində dövlət siyasətini həyata keçirəcək sənaye və ticarət nazirliyinə rəhbərlik edəcək. Energetika naziri postu isə bundan sonra "Atomstroyeksport"un eks-prezidenti Sergey Şmatkoya məxsus olacaq. Xatırladaq ki, mayın 8-nə qədər prezident postunda olmuş Putin Dmitri Medvedev tərəfindən Dumanın razılığı ilə baş nazir vəzifəsinə təyin olunub.

Paylaş :

Açar Sözlər :

Şərhlər

Şərh Yaz

Həmçinin Oxuyun

2021-02-23

GünazTV (Güney Azerbaycan TV)

Instagram