Qarabağ məsələsi çox uzana bilməz

2008-06-13 13:40

"Qarabağ məsələsi çox uzana bilməz" Elmar Məmədyarov: "Azərbaycan NATO ilə əməkdaşlığı xarici siyasətinin təməl daşı hesab edir" "Qarabağ məsələsi çox uzana bilməz. Bu məsələyə tezliklə həll olunmalıdır". Bunu Azərbaycanın xarici işlər naziri Elmar Məmməd

Gunaz.tv

"Qarabağ məsələsi çox uzana bilməz" Elmar Məmədyarov: "Azərbaycan NATO ilə əməkdaşlığı xarici siyasətinin təməl daşı hesab edir" "Qarabağ məsələsi çox uzana bilməz. Bu məsələyə tezliklə həll olunmalıdır". Bunu Azərbaycanın xarici işlər naziri Elmar Məmmədyarov dünən Polşada bəyan edib. "Artıq 14 ildir ki, Ermənistan və Azərbaycan arasında müharibə dayandırılıb və ölkələr atəşkəs rejimindədir. Lakin bu günə qədər Ermənistan qoşunları bizim ərazimizdə qalmaqdadırlar. Azərbaycan xalqına məxsus torpağın bir hissəsinin uzunmüddətli işğalı bizim üçün dözülməz bir haldır", -nazir deyib. Məmmədyarovun fikrincə, Minsk prosesi, ATƏT-in sülh səyləri Azərbaycanla Ermənistan arasında dialoq aparılmasında mühüm rol oynayıb. Bu həm də Dağlıq Qarabağ münaqişəsinə beynəlxalq əhəmiyyət verir: "Lakin yenə də, biz bu məsələyə tezliklə son qoymalıyıq". Nazir diqqəti ona yönəldir ki, hazırda neft və qazın dünya bazarında dəyəri artmaqdadır və bu durumda Azərbaycan strateji resurslarımının iqtisadi potensialını qaldırma qabiliyyətində olmalıdır. Ancaq Dağlıq Qarabağ probleminin həll olunmamış qalması nəinki yeni layihələrin, hətta bu gün mövcud olan neft kəmərinin təhlükəsizliyini də sual altında qoyur və regionun Avropa ilə enerji ticarətini optimallaşdırılmasına imkan vermir: "Bu da Azərbaycanın iqtisadi artımına maneçilik törədir, hansı ki, son illərdə 30 faizə qədər olub". Bakı münaqişənin diplomatik yolla həllinə üstünlük verir. "Mən inanıram ki, Ermənistan da regional inteqrasiya və inkişafdan bəhrələnə bilər və uzunsürən münaqişədən başqa digər aspektləri də düşünməlidir. Bu münaqişənin həlli yalnız ikitərəfli münasibətləri yox, həm də Ermənistanın Türkiyə ilə münasibətini düzəldə bilər, - nazir vurğulayıb. - Ermənilər bilməlidirlər ki, Azərbaycan Qarabağa ən geniş muxtariyyət verməyə hazırdır. Hökumət Azərbaycanın Qarabağ vilayətinin inkişafı üçün ayrılacaq yardımı da artıracaq. Amma inkişaf Qarabağ məsələsinin həllindən asılıdır, ona görə də bu məsələ uzadılmamalıdır". Məmmədyarov digər iki vacib məqam NATO ilə münasibətlər və Trans-Xəzər layihələri ilə bağlı da danışıb. İlk dəfə olaraq, Azərbaycanın XİN başçısı Şimali Atlantika Bloku ilə əməkdaşlığı "xarici siyasətinin təməl daşı" kimi elan edir: "NATO ilə əməkdaşlıq Azərbaycanın milli təhlükəsizlik doktinasının təməl daşıdır". Məmmədyarovun fikrincə, "Donmuş münaqişə"nin həlli həm də Azərbaycana imkan verəcək ki, Avropa Birliyi və Orta Asiya arasında körpü rolunu yerinə yetirə bilsin. AB Şərqə tərəf daha da genişləndiyi üçün öz nefti və təbii qazı ilə zəngin olan Mərkəzi Asiya onun üçün daha əhəmiyyətlidir. Buna görə də Brüssel regionda sabitlik və iqtisadi inkişafda maraqlı olmalıdır. Azərbaycanla yaxın münasibətlər AB-ın Orta Asiyada fəaliyyətinin bir hissəsi kimi nəzərdən keçirilə bilər: "Bizim Qazaxıstan və Türkmənistandan olan tərəfdaşlarımız güclü Trans-Xəzər əməkdaşlığı yaradırlar. Biz Xəzər dənizinin hər iki tərəfində neft kəməri ilə birləşdirmə məsələsini müzakirə edirik. Böyük iqtisadi gücü olan Avropa Birliyi, Türkiyə, Çin və Rusiya kimi ölkələrlə əhatə olunan Xəzər bölgəsinin sürətli və uzunmüddətli inkişafı göründüyündən daha realdır. Buna görə də biz Bakının regionun Avropa çarxına çevriləcəyinə inanırıq". Ə.Raufoğlu express