Qüdrət Həsənquliyev: "Tək elə bir işə- rus ordusunu Azərbaycan ərazisindən çıxardığına görə Əbülfəz Elçibəyin yubileyi dövlət səviyyəsində də qeyd oluna bilərdi"

2008-06-24 19:30

Deputatlar parlamentin yubiley tədbirlərini yüksək qiymətləndirirlər Qüdrət Həsənquliyev: "Tək elə bir işə- rus ordusunu Azərbaycan ərazisindən çıxardığına görə Əbülfəz Elçibəyin yubileyi dövlət səviyyəsində də qeyd oluna bilərdi" Milli Məclisin iyunun 2

Gunaz.tv Quote | Gunaz article

Deputatlar parlamentin yubiley tədbirlərini yüksək qiymətləndirirlər Qüdrət Həsənquliyev: "Tək elə bir işə- rus ordusunu Azərbaycan ərazisindən çıxardığına görə Əbülfəz Elçibəyin yubileyi dövlət səviyyəsində də qeyd oluna bilərdi" Milli Məclisin iyunun 24-də keçirilən iclasında cari məsələlər üçün ayrılmış vaxtda millət vəkillərinin çıxışlarının əksəriyyəti Azərbaycan Parlamentinin 90 illik yubileyilə bağlı tədbirlərin keçirilməsinə həsr olundu. Millət vəkili Cəmil Həsənli parlamentin 90 illiyinin yüksək səviyyədə qeyd olunmasına görə ölkə rəhbərliyinə təşəkkürünü bildirdi. Onun fikrincə, bu, həm də Azərbaycan həqiqətlərinin dünyaya çatdırılması istiaqəmətində mühüm addımdır. Ramiz Mikayıloğlu Keçən həftə Mətbuat Şurasının üzvü seçilmiş Cəmil Həsənli həbsdəki 3 jurnalistin azadlığa buraxılması üçün spikerin deputatların xahişini prezidentə çatdırmasını istədi. Parlamentin 90 illiyilə bağlı tədbirin yüksək səviyyədə keçirilməsindən razı qalan BQP sədri Fazil Qəzənfəroğlunu narazı salan məqamlar da olub. Bu da Milli Məclisin nəşr etdirdiyi kitabçada müstəqilliyin ilk illərində, 1995-ci ilə qədər fəaliyyət göstərmiş qanunverici orqanla bağlı hər hansı məlumatın yer almamasıyla əlaqədardır: "Azərbaycanın müstəqilliyinə səs verən şəxslər tədbirə dəvət olunsaydı, daha yaxşı olardı". "Sağlığımızda təhrifə yol verirlər" VHP sədri Sabir Rüstəmxanlı da 90 illik yubleyin yüksək səviyyədə keçirilməsinə görə təşəkkürünü bildirdi: "Ancaq Milli Məclisin nəşrində parlamentin 1990-95-ci illərdəki fəaliyyəti faktiki qeyri-legitim sayılır. Bu parlament müstəqilliyimizlə bağlı Konstitusiya aktını qəbul edib. Belə çıxır ki, o qərar da qeyri-legitimir. Bu, bizim yaxın tariximizdir. Müstəqillik aktına imza atanlardan biri də mənəm. Sağlığımızda təhrifə yol verirlər. Onu da deyim ki, Heydər Əliyev də həmin parlamentin sədri olub". Müsavat deputat qrupunun üzvü Nəsib Nəsibli də hakimiyyətin 1918-20-ci illərdəki irsimizə sahib durmasını müsbət qiymətləndirdi. Millət vəkili daha sonra deputat köməkçilərinin işləməsi üçün yer olmamasından şikayətləndi. Rayon icra hakimiyyətləri və Əmlak Komitəsi də məsələni həll etmək istəmir: "Deputat köməkçiləri institutu yaradılıb, onların işləməsi üçün seminarlar keçirilir. Amma köməkçilərin harada işləməsi bəlli deyil. Bu deputat köməkçiləri harada oturmalıdırlar? Yer yoxdur. İcra Hakimiyyətinə müraciət edirik, deyirlər ki, bizlik deyil. Əmlak Komitəsi də həmçinin. Nə zaman bununla bağlı tədbir görüləcək?". Spiker Oqtay Əsədov rayonlarda deputatlar üçün yerlərin tikilməsinin planlaşdırıldığını söylədi. "Milli Məclisin növbədənkənar sessiyaları keçirilsin" Müsavat deputat qrupunun üzvü Pənah Hüseyn Milli Azadlıq Hərəkatının lideri, sabiq prezident Əbülfəz Elçibəyin 70 illik yubileyilə bağlı Elçibəysevərləri və xalqımızı təbrik etdi. Pənah Hüseyn düşünür ki, Milli Məclisin növbədənkənar daha bir neçə sessiyanın keçirilməsilə bağlı qərar qəbul etməsi lazımdır: "Bir çox mühüm qanun layihələri qalıb. Məsələn, Təhsil Nazirliyinin orta məktəblərdə keçirdiyi mərkəzləşdirilmiş buraxılış imtahanları ətrafında yaşananlar "Təhsil haqqında" qanunun qəbulunun zəruriliyini bir daha göstərdi". Oqtay Əsədov dedi ki, parlamentin 90 illik yubileyilə əlaqədar tədbirlər prezidentin tövsiyəsinə uyğun keçirilib: "Milli Məclisin 1992-93-cü illərdəki fəaliyyətinin nəşrə salınmadığını söylədiniz. Əgər biz parlamentin bütün tarixini yazsaq, gərək sovet dövrünə də toxunaydıq. Biz 1918-20-ci illəri və Milli Məclisin üç çağırışının tarixini yazmışıq". "Elçibəyin doğum günü münasibətiylə xalqımızı təbrik edirəm" BAXCP sədri, millət vəkili Qüdrət Həsənquliyev bildirdi ki, Azərbaycanın təbliği baxımından parlamentin 90 illik yubileyilə bağlı tədbir çox önəmliydi: "Mən bu gün Azərbaycan Milli Azadlıq Hərəkatının lideri, Azərbaycanın müstəqilliyinin elan olunmasında müstəsna xidmətləri olmuş Əbülfəz Elçibəyin doğum günü münasibətiylə bütün Elçibəysevərləri və xalqımızı parlament tirbunasından təbrik edirəm. Hesab edirəm ki, tək elə bir işə-rus ordusunu Azərbaycan ərazisindən çıxardığına görə Əbülfəz bəyin yubileyi dövlət səviyyəsində də qeyd oluna bilərdi. Mən hələ başqa xidmətlərini sadalamıram". Millət vəkili Qüdrət Həsənquliyev bir məsələyə də toxundu: "Dünən Azərbaycan prezidenti Milli Məclis Aparatının bir qrup işçisini təltif edib. Mən bu münasibətlə həmin şəxsləri təbrik edirəm. İstərdim ki, Milli Məclis adından Azərbaycan Respublikası prezidentinə diqqətinə görə təşəkkürümüzü bildirək". BAXCP sədri iyunun 26-nın Silahlı Qüvvələr günü olduğunu və hərbi parad keçiriləcəyini söylədi: "Oqtay müəllim, mən bu münasibətlə sizi, Milli Məclis üzvlərini və xalqımızı təbrik edirəm. Həm də bilmək istərdim ki, biz də hərbi paradda iştirak edəcəyik, yoxsa yox. Bayram ərəfəsində söylədiklərim bunlar idi". Spiker BAXCP sədrinin sualını cavablandırdı: "Dəvət olunduğumuzu mən də bilmirəm. Səfər Əbiyev dəvət göndərəndə xəbərimiz olacaq". "Parlament Konqresə etirazını bildirsin" YAP icraçı katibinin müavini Siyavuş Novruzov keçən həftə ABŞ Konqresində Dağlıq Qarabağla bağlı keçirilən dinləmələrdən danışdı: "YAP bununla bağlı Konqresə etiraz bəyanatı göndərib. Parlamentin də mövqeyini bildirməsi yaxşı olardı. Dağlıq Qarabağla bağlı ABŞ da belə müzakirə aparılmamalıdır". O, Azərbaycanda "siyasi məhbus" anlayışından danışılmasını da düzgün saymır: "Kimin narazılığı varsa, Avropa Məhkəməsinə müraciət edə bilər". Siyavuş Novruzov qanunverici orqanın 1990-93-cü illərdəki fəaliyyətinə də münasibətini açıqladı: "Həmin dövrdə parlament fəaliyyət göstərib, müstəqillik haqqında akt da qəbul edib. Ancaq o, Milli Məclisdə bir nazirin o birisini döyməsi, siqaretdən burada nəfəs tutulması, ərazilərimizin işğalında da özünəməxsus mənfi rol oynaması da məlumdur. Gələcəkdə tarixi araşdırmalar aparılsa, kimin kim olduğu üzə çıxacaq. Bir də imkan olsa, 90 illik yubileylə bağlı Silahlı Qüvvələrimizə təbrik göndərək". Daha sonra gündəlikdəki məsələlərin müzakirəsinə keçildi. Millət vəkilləri Azərbaycan Respublikası Hökuməti və Fransa Respublikası Hökuməti arasında 2007-ci il noyabrın 14-də imzalanmış Maliyyə Protokolunun icra edilməsi məqsədiylə Azərbaycan Respublikası Hökuməti və Fransa Respublikası Hökuməti adından çıxış edən Hatixis Banques Populaires arasında Kredit Müqaviləsinin təsdiq edilməsi haqqında" qanun layihəsini bəyəndilər. Qalmaqallı qanun layihəsi "Hərbi qulluqçuların statusu haqqında", "Dövlət qulluğu haqqında" və "Ədliyyə orqanlarında qulluq keçmə haqqında" qanunlarda dəyişikliklər isə geniş müzakirələrə səbəb oldu. Dəiyşikliklərin mahiyyəti penitensiar sistemdə çalışanlarla hərbi qulluqçuların əmək haqları arasındakı asılılığı aradan qaldırmaqla bağlıdır. Mövcud qanunvericiliyə görə, bu sistemlərin birində artım digərində də artımı şərtləndirir. Pənah Hüseynə görə, yaxşı olardı ki, hərbçilərə verilən ərzaq və mənzil pulu ən azı 2 dəfə artırılsın. Daha sonra BAXCP sədri, millət vəkili Qüdrət Həsənquliyev çıxış etdi (bax. səh 5). YAP icraçı katibinin müavini Siyavuş Novruzov da müxtəlif sahələrdə və eyni sahədə çalışanların əməkhaqları arasında yüksək fərqlərin olmasını anormal adlandırdı. Məsələn, icra başçısı 1800 manat, icra hakimiyyətində çalışan başqa bir şəxs isə 300 manat alır ki, bu da anormaldır. Amma o, dəyişikliklərin qəbuluna tərəfdar çıxdı. Bununla belə, Siyavuş Novruzov hərbçilərin mənzil və ərzaq təminatı məsələlərinə ciddi diqqət yetirilməsini istəyir: "2 uşaq atası olan hərbçini rayona ezam edirlər, kirayə pulu üçün 40 manat verirlər. Harada kirayə 40 manatdır?". Azərbaycanın Avropa Şurası Parlament Assambleyasındakeı nümayəndə heyətinin üzvü Aydın Mirzəzadə də bu qənaətdədir ki, bir sahənin əməkhaqqının o biri sahədən asılılığınqa son qoymaq lazımdır. Gərgin müzakirələrdən sonra sənəd səsverməyə çıxarıldı və qəbul edildi. Məhbəsdəkilər telefonla danışacaq, televizora baxacaq Millət vəkilləri Cinayət-Prosessual Məcəlləsinə dəyişikliklər və əlavələri müzakirə açmadan təsdiqlədilər. Cəzaların İcrası Məcəlləsinə və Cinayət-Prosessual Məcəlləyə əlavə və dəyişikliklər isə həbsdəkilər üçün bir sıra xoş məqamları nəzərdə tutur. Təklif olunur ki, ömürlük cəza çəkənlərin yaxınlarıyla telefonla danışmaların il ərzində 54 dəfəyə çatdırılsın və danışıq vaxtı da artırılsın. Ömürlük cəza çəkənlər peşə təhsili də ala biləcəklər. Məhbəsdəkilər televizordan istifadə etmək haqqına da yiyələnəcəklər. Eyni zamanda ay ərzində yaxınlarından 25 manat xərclik də ala bilərlər. Millət vəkilləri bunu insan haqlarının təminatına yönəlik ciddi addımlar kimi dəyərləndirdilər və sənəd qəbul olundu. Daha sonra bəzi qanunvericilik aktlarına əlavə və dəyişikliklər müzakirə olundu. Sənəd Azərbaycanda yaşayan əcnəbilərlə, onların ölkəmizdə daimi yaşayışı ilə bağlı məsələləri əhatə edir. Pənah Hüseyn Gürcüstandakı soydaşlarımıza, Rusiyada və digər MDB ölkələrində yaşayan vətəndaşlarımıza münasibətdə xüsusi istisnaların nəzərdə tutulmasını vacib saydı. BQP sədri Fazil Qəzənfəroğlu isə əcnəbilərin Azərbaycanda daimi yaşayışıyla bağlı qanunvericilikdə dəyişikliyi anlaşılmaz sayır: "Əcnəbilər nə vaxtsa ya geri qayıdır, ya da gəldikləri ölkənin vətəndaşı olurlar". Hüquq siyasəti və dövlət quruculuğu daimi komissiyasının sədr müavini Rövşən Rzayev isə bildirdi ki, mövcud qanunvericiliyə görə, əcnəbilər Azərbaycanda 1 il müddətində yaşamaq üçün 4 dəfə icazə ala bilərlər: "5 ildən sonra isə onlar Azərbaycan vətəndaşlığı ala bilərlər". Sənəd qəbul edildi.
Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

GünazTV June.20.2021: HƏFTƏ SONU 1-Cİ BÖLÜM

2021-06-21

gun az article

Tikantəpədə saxtakarlıq: Kürd mənşəli nümayəndənin hərəkəti əhalini qəzəbləndirdi

2021-06-21

gun az article

Amerika mətbuatı güneyli siyasi məhbuslardan yazdı

2021-06-21

gun az article

Tehranın “Persopolis” klubu "Traxtur"un baş məşqçisini məhkəməyə verib

2021-06-21

gun az article

Şərqi Azərbaycanın ölüm saçan yolları: İnsan tələfatı ilə nəticələnən qəzaların sayı açıqlandı

2021-06-21

gun az article

Təbrizli atlet Qazaxıstanda beynəlxalq yarışın qalıbı olub

2021-06-21

gun az article

Təbrizli ixtiraçı beynəlxalq mükafat aldı

2021-06-21

gun az article

"O təbrizlidir, söz anlamaz"-İranın rəsmi televiziyası azərbaycanlıları təhqir etdi

2021-06-21

gun az article

Urmu gölünün səviyyəsi yenə azalıb

2021-06-21

gun az article

Güneyli fəal Salar Tahir Əfşar Urmu həbsxanasına qayıdıb

2021-06-20

gun az article

Xoyda əməliyyat: Külli miqdarda heroin aşkar edilib

2021-06-19

gun az article

“Tikantəpə Birlik Səsi” seçki qrupu şəhər şurası seçkilərini qazandı

2021-06-19

gun az article

Güney Azərbaycanda koronavirusdan öllənlərin sayı açıqlandı

2021-06-19

gun az article

Urmu gölünün quruması barədə yenidən xəbərdarlıq edilib

2021-06-19

gun az article

Edama məhkum olunan azərbaycanlı alim Əhməd Rza Cəlalinin yeri dəyişdirilib-Vəkilindən açıqlama

2021-06-19

gun az article

"İranda əhalinin yalnız 22% -i seçkilərə qatılıb"- Sorğunun nəticələri açıqlandı

2021-06-19

gun az article

"Urmu Birlik Səsi” koalisiyası şəhər şuraları seçkilərində qalib gəldi

2021-06-19

gun az article

Urmuda seçki məntəqələrində qarşıdurma baş verib-VİDEO

2021-06-19

gun az article

İranda seçki: "Prezident seçimləri iqtisadi böhran və nüvə gərginliyi fonunda keçirilir"

2021-06-19

gun az article

GünazTV June.18.2021-Azadlıq səsi: Seçki biabırçılıqı

2021-06-19