Qüds planının detalları barədə ətraflı məlumat

SON XƏBƏRLƏR

Qüds planının detalları barədə ətraflı məlumat

2021.10.20, 07:36

Gunaz.tv

GünAz TV: Qüds bölümdən İsrailin paytaxtı olacaq. Bu açıqlama Amerika Birləşmiş Ştatlarının prezidenti Donald Trampdan gəlib. Onun, “Yüz ilin planı” kimi təqdim etdiyi sənəddə Qüdsün bölünməmiş formada İsrailin olacağı deyilir.

Prezident kimi ilk səfərini İsrailə etdiyini xatırladan Amerika prezident bu günədək sələflərinin də regiona sülh gətirmək ücün çalışdığını xatırlatdı.Amma onun planının fərqli olduğuna diqqət çəkdi. Plan nədən ibarətdir? Tramp belə düşünür ki, Fələstin xalqı yoxsulluq icində əziyyət çəkir və bunun səbəbi də, müharibə, o cümlədən xalqın radikal hisslərlə böyüdülməsidir.

Amerika Prezidedntinin dedikləri:

“Fələstin xalqı daha gözəl bir gələcəyə layiqdir. Netanyahu müzakirəni qəbul etdi, hər iki tərəf sülh istəyir. Bizim yeni planımız Fələstin ərazilərinin faktiki ikiqat artırılmasını nəzərdə tutur. Bu xəritəyə görə, Şərqi Qüdsdə Fələstin paytaxtı da yaradılacaq, burada Amerika Birləşmiş Ştatları qürurla səfirliyini açacaq.”

Plana görə, müqəddəs Əl Aksa məscidi ziyarət ücün fələstinlilərə açıq olacaq. Yeni fələstin dövlətinə isə böyük yatırımlar qoyulması nəzərdə tutulur. Eyni zamanda bölgədə Həmas qruplaşmasının fəaliyyətini qadağan edəçək qanunlar qüvvəyə minəcək. 4 il boyunca Fələstin-İsrail bu təklifi müzakirə edə biləcək. Tramp danışarkən, zalda Amerikadakı yəhudi lobbisinin öndə gedən şəxsləri dayanmışdı. Çıxış edən İsrail Baş Naziri Netanyahu da Trumpun qızı İvankaya və onun əri Kushnerə davamlı təşəkkür bildirməklə İsrailin Amerikadakı dostlarına güvəncinin sonsuz olduğunu göstərirdi. Amerika Prezidentinin bu planı Orta Doğuda necə qarşılanacaq? Fələstinlilər Qüdsün İsrailə verilməsinə razı olacaqmı? Amerikadan baxanda bu o qədər də asan görünmür. Ekspertlər düşünür ki, bu plan seçkiyə getməkdə olan Amerika və İsrail rəsmilərinə sərf edir. Tramp Amerikadakı yəhudi lobbisinin səsinə sahib olmağa çalışır. Amma Rəsmi Vashinqton bu planın işləməsi üçün çalışacaqlarını elan etdi.Düzdü Prezident Trump da etiraf etdi ki, plana qarşı risklər olacaq. Bunu söyləyərkən İranın roluna diqqət çəkdi.

Qənirə Ataş, GÜNAZ TV Vaşinqton bürosu.