Kral Salman: “İran regiondakı mənfi rəftarını dəyişib əməkdaşlığa doğru hərəkət etməlidir”

SON XƏBƏRLƏR

Kral Salman: “İran regiondakı mənfi rəftarını dəyişib əməkdaşlığa doğru hərəkət etməlidir”

2021.12.30, 12:33

Gunaz.tv

O deyib ki, İran regionda yarımhərbi qüvvələrə dsəstəyini dayandırmalı, nüvə razılaşmasını canlandırmaq üçün beynəlxalq birliklə əməkdaşlıq etməlidir.

“İran Səudiyyə Krallığının qonşusudur. Ümid edirik ki, İran İslam Respubliukası regiondakı mənfi və dekonstruktiv rəftar və siyasətini dəyişəcək, dünya birliyi ilə əməkdaşlıq etmək istiqamətində hərəkət edəcək.

Hazırda isə Səudiyyə Ərəbistanı tam nigaranlıqla İran hakimiyyətinin regionun sabitliyinə və onun təhlükəsizliyinə qarşı yürütdüyü mənfi siyasətini izləyir.

İranın Yəmən olaylarındakı roluna gəlincə, hesab edirik ki, bu ölkənin yarımhərbi husilərə dəstək verməsi Yəməndə cərəyan edən savaşın daha da uzanmasına gətirib çıxarıb.

Hesab edirik ki, İran husilərə verdiyi dəstəyini dayandırmalı, husilər isə Yəmən xalqının mənafeyinə üstünlük verməlidirlər”, -deyə Səudiyyə Ərəbistanı kralı Salman Bin Əbdüləziz əl-Səud bildirib.

A.M