İran dərman çatışmazlığının aradan qaldırılması üçün Ermənistana yardım edəcək

SON XƏBƏRLƏR

İran dərman çatışmazlığının aradan qaldırılması üçün Ermənistana yardım edəcək

2022.08.19, 08:43

Gunaz.tv

Səfər çərçivəsində o, İran şirkətlərinin əczaçılıq və aşqarlar, peyvəndlər, tibbi avadanlıq və aksessuarlar sahəsində imkanları ilə tanış olub.

Armen Nazaryan İranın Səhiyyə Biotexnologiyasının İnkişafı Şurası, Elmi və Texniki vitse-prezident, Səhiyyə, Müalicə və Tibbi Təhsil Nazirinin müavini, “Qızıl Aypara”nın direktoru və dərman istehsalında fəal olan şirkətlərin nümayəndələri ilə görüşüb.

Dərmanların idxalı və ixracı, eləcə də birgə istehsalı ilə bağlı gələcək məsələlər müzakirə edilib.

Qeyd edək ki, İranda dərman istehsalı müəssisələrinin verdiyi məlumata görə, xammal vaxtında təmin olunmadığı üçün bir sıra istehsal bölmələri bağlanıb.

Başqa bölmələrin də fəaliyyətinin tamamilə dayandırılacağı gözlənilir.

Dərman Sənayesi Sahibləri Birliyinin yaydığı xəbərdarlıqda bildirilir ki, durum belə davam edərsə avqust ayından başlayaraq bütün müəssisələrin bağlanacaq və dərman çatışmazlığının pik həddə çatacaq.

Birliyin başçısı Məhəmməd Əbdzadənin verdiyi məlumata görə, hazırda ölkədə 300 adda dərman tamamilə yoxa çıxıb və adi antibiotik və serum çatışmazlığı yaşanır.

Talassemiya Xəstələrinə Dəstək Birliyinin başçısı Yunis Ərəb isə mediaya verdiyi açıqlamada son bir neçə ay ərzində dərman çatışmazlığı səbəbindənn ən azı 70 talassemiya xəstəsinin öldüyünü bildirib.

Cavidan